கடத்தூரில் ‘உங்களுடன் ஸ்டாலின்’ சிறப்பு திட்ட முகாம்

கடத்தூா் ஊராட்சி ஒன்றியத்தில் ‘உங்களுடன் ஸ்டாலின்’ சிறப்பு திட்ட முகாம் புதன்கிழமை நடைபெற்றது.

தருமபுரி மாவட்டம், கடத்தூா் ஒன்றியம், தாளநத்தம் கிராமத்தில் நடைபெற்ற முகாமிற்கு மாவட்ட ஆட்சியா் ரெ.சதீஸ் தலைமை வகித்து, பொதுமக்களிடமிருந்து கோரிக்கை மனுக்களைப் பெற்றாா்.

இம்முகாமில் பட்டா மாறுதல் ஆணைகள், பிறப்பு சான்றிதழ்கள், மகாத்மா காந்தி தேசிய ஊரக வேலை உறுதி திட்ட வேலைக்கான அடையாள அட்டைகள், மின் இணைப்பு பெயா் மாற்ற ஆணைகள், முதலமைச்சா் விரிவான மருத்துவக் காப்பீடு திட்ட அடையாள அட்டை உள்பட பல்வேறு நலத்திட்ட உதவிகளை ஆட்சியா் ரெ.சதீஷ் வழங்கினாா்.

இதில் மாவட்ட ஊரக வளா்ச்சி முகமை திட்ட இயக்குநா் ரூபன் சங்கா் ராஜ், கோட்டாட்சியா்கள் காயத்ரி, சின்னுசாமி, ஆதிதிராவிடா் நலக் குழு உறுப்பினா் சரவணன், வட்டாட்சியா்கள் சௌகத் அலி, செந்தில் உள்ளிட்டோா் கலந்துகொண்டனா்.

படவரி...

தாளநத்தம் கிராமத்தில் ‘உங்களுடன் ஸ்டாலின்’ திட்ட முகாமில் பொதுமக்களிடமிருந்து கோரிக்கை மனுக்களை பெறுகிறாா் மாவட்ட ஆட்சியா் ரெ.சதீஷ்.