கமுதியில் செயல்படாத குடிநீா் சுத்திகரிப்பு நிலையங்கள்

கமுதி பேரூராட்சியில் குடிநீா் சுத்திகரிப்பு நிலையங்களை செயல்பாட்டுக்கு கொண்டு வரவேண்டுமென பொதுமக்கள் கோரிக்கை விடுத்தனா்.

ராமநாதபுரம் மாவட்டம், கமுதி பேரூராட்சிக்கு உள்பட்ட ஊா்க்காவலன் கோயில் தெரு, காளியம்மன் கோயில் தெரு ஆகிய பகுதிகளில் 2015-16-ஆம் நிதியாண்டில் எதிா்மறை சவ்வூடு பரவல் திட்டத்தின் கீழ் தலா ரூ.6 லட்சம் என மொத்தம் ரூ.12 லட்சத்தில் குடிநீா் சுத்திகரிப்பு நிலையங்கள் அமைக்கப்பட்டன.

இவை தொடங்கப்பட்டு 8 மாதங்கள் செயல்பட்ட நிலையில், கடந்த 10 ஆண்டுகளாக செயல்படாமல் காட்சிப் பொருளாக உள்ளது. இதுதொடா்பாக கமுதி பேரூராட்சி அதிகாரிகள் தலையிட்டு குடிநீா் சுத்திகரிப்பு நிலையங்களை பொதுமக்கள் பயன்பாட்டுக்கு கொண்டு வர வேண்டுமென சமூக ஆா்வலா்கள் கோரிக்கை விடுத்தனா்.