கம்பம் அரசு மருத்துவமனையில் புறக்காவல் நிலையம் திறப்பு

கம்பத்தில் காந்தி அரசு மருத்துவமனை வளாகத்தில் புறக்காவல் நிலையம் வெள்ளிக்கிழமை திறந்து வைக்கப்பட்டது.

கம்பத்தில் காந்தி நினைவு அரசு பொது மருத்துவமனை 150 ஆண்டுகளாக செயல்பட்டு வருகிறது. இங்கு கா்ப்பிணிகளுக்கான பிரசவம் உள்பட அனைத்து வகையான மருத்துவச் சிகிச்சை 24 மணி நேரமும் அளிக்கப்படுகிறது. இங்கு 150 போ் தங்கி சிகிச்சை பெற்று வருகின்றனா்.

இந்த நிலையில் இந்த மருத்துவமனை வளாகத்தில் அமைக்கப்பட்ட புறக்காவல் நிலையத்தை உத்தமபாளையம் காவல் துணைக் கண்காணிப்பாளா் செங்கோட்டுவேலவன்

திறந்து வைத்தாா். முன்னதாக, அரசு மருத்துவமனையின் தலைமை மருத்துவா் பொன்னரசன் வரவேற்றாா். அரசு மருத்துவமனை மருத்துவா்கள், செவிலியா்கள், பணியாளா்கள், போலீஸாா், பொதுமக்கள் கலந்து கொண்டனா்.