கழிவுநீா் ஓடையில் விழுந்த தொழிலாளி உயிரிழப்பு

மேலப்பாளையம் அருகே பாலத்திலிருந்து கழிவுநீா் ஓடையில் தவறி விழுந்த தொழிலாளி சடலமாக மீட்கப்பட்டாா்.

மேலப்பாளையம் அழகிரிபுரம் பகுதியைச் சோ்ந்தவா் பாலகிருஷ்ணன் (55). கட்டட தொழிலாளியான இவா், திங்கள்கிழமை நள்ளிரவு மேலப்பாளையம் குறிச்சி ரவுண்டானா அருகில் உள்ள கழிவுநீா் ஓடையின் பாலத்தடுப்பு சுவரில் அமா்ந்திருந்தபோது எதிா்பாராத விதமாக ஓடையில் தவறி விழுந்ததில் மூச்சுத்திணறி உயிரிழந்தாா். செவ்வாய்க்கிழமை காலை அவ்வழியாகச் சென்றவா்கள் இது குறித்து மேலப்பாளையம் காவல் நிலையத்துக்கு தகவல் தெரிவித்தனா்.

அங்கு வந்த போலீஸாா் அவரது உடலை மீட்டு பிரேத பரிசோதனைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும் இச்சம்பவம் குறித்து வழக்குப் பதிவு செய்து போலீஸாா் விசாரணை மேற்கொண்டுள்ளனா்.