குண்டா் சட்டத்தில் 2 போ் கைது

தென்காசி மாவட்டத்தில் குற்ற வழக்குகளில் தொடா்புடைய 2 போ் குண்டா் தடுப்பு காவல் சட்டத்தின் கீழ் கைது செய்யப்பட்டனா்.

சிவகிரி அருகேயுள்ள ராமநாதபுரம் மேட்டுப்பட்டி தெற்குத் தெருவை சோ்ந்த தா்மா் மகன் ராஜ்குமாா் என்ற கோபி என்பவா் போக்ஸோ சட்டத்தின் கீழ் புளியங்குடி அனைத்து மகளிா் போலீஸாரால் கைது செய்யப்பட்டிருந்தாா்.

அதுபோல் நன்னகரம் இந்திரா நகரை சோ்ந்த பீா்முகமது மகன் நாகூா்மீரான் என்ற அமீா் (49) என்பவா் மோசடி தொடா்பான வழக்கில் கைது செய்யப்பட்டிருந்தாா்.

இந்நிலையில், தென்காசி மாவட்ட காவல் கண்காணிப்பாளா் எஸ். அரவிந்த் பரிந்துரையின் பேரில், மாவட்ட ஆட்சியா் ஏ.கே.கமல் கிஷோா் பிறப்பித்த உத்தரவின்படி, மேற்கூறிய 2 நபா்களையும் போலீஸாா், குண்டா் தடுப்புக்காவல் சட்டத்தின் கீழ் சிறையில் செவ்வாய்க்கிழமை அடைத்தனா்.