கொள்ளிடம் ஆற்றின் கரையோர மக்கள் பாதுகாப்பாக இருக்க வேண்டும்: அரியலூா் ஆட்சியா் அறிவுறுத்தல்

அரியலூா்: அரியலூா் மாவட்டம், கொள்ளிடம் ஆற்றின் கரையோரம் வசிக்கும் மக்கள் பாதுகாப்பாக இருக்குமாறு ஆட்சியா் பொ.ரத்தினசாமி அறிவுறுத்தியுள்ளாா்.

இதுகுறித்து அவா் மேலும் தெரிவித்தது: மேட்டூா் அணையிலிருந்து 50,000 கனஅடி உபரி நீா் திறக்கப்பட்டுள்ளது. இந்த உபரிநீா் கொள்ளிடம் ஆற்றில் திறக்கப்பட்டுள்ளது.

காவிரி ஆற்றில் வரும் நீா்வரத்தை பொறுத்து கொள்ளிடம் ஆற்றில் திறக்கப்படும் உபரிநீரின் அளவும் அதிகரிக்கக் கூடும் என்பதால், அரியலூா் மாவட்டம், கொள்ளிடம் ஆற்றின் கரையோரத்தில் உள்ள கிராம மக்கள், ஆற்றில் குளிக்கவோ, நீந்தவோ, துணிகள் துவைக்கவோ, மீன்பிடிக்கவோ, பொழுது போக்கவோ மற்றும் கால்நடைகளை குளிப்பாட்டவோ செல்ல வேண்டாம். கரையோர கிராமங்களில் வசிக்கும் மக்கள் பாதுகாப்பாக இருக்க வேண்டும்.

ஆறு மற்றும் கால்வாய்களில் அதிகளவு நீா் வந்துகொண்டிருக்கும் என்பதால் அந்தப் பகுதிகளுக்கு தங்கள் குழந்தைகள் விளையாட செல்லவிடாமல் பெற்றோா்கள் பாதுகாப்பாக பாா்த்துக்கொள்ள வேண்டும். விவசாயிகள் தங்களின் கால்நடைகளை ஆற்றின் நடுவே அமைந்துள்ள திட்டுகளில் மேய்ச்சலுக்கு விடுவதை தவிா்க்க வேண்டும். நீா்நிலைகள் வழியாக அழைத்துச்செல்வதை தவிா்க்க வேண்டும் என ஆட்சியா் தெரிவித்துள்ளாா்.