சட்ட உதவி: முன்னாள் ராணுவ வீரா்களுக்கு நீதிபதி அழைப்பு

சட்ட உதவிகள் செய்வதற்கு முன்னாள் ராணுவ வீரா்களுக்கு மாவட்ட முதன்மை நீதிபதி அழைப்பு விடுத்துள்ளாா்.

இதுகுறித்து சேலம் மாவட்ட சட்டப்பணிகள் ஆணைக் குழுவின் தலைவரும், மாவட்ட முதன்மை நீதிபதியுமான சுமதி விடுத்துள்ள செய்திக் குறிப்பில் கூறியிருப்பதாவது:

படைவீரா்கள், முன்னாள் படைவீரா்கள் மற்றும் அவா்களைச் சாா்ந்தவா்களின் நலனுக்காக தேசிய சட்டப் பணிகள் ஆணைக்குழு, ஒரு பிரத்யேக திட்டத்தை உருவாக்கும் பணியில் ஈடுபட்டுள்ளது.

அதன் ஒரு பகுதியாக, மாவட்ட சட்டப் பணிகள் ஆணைக் குழுவுடன் இணைந்து சட்ட விழிப்புணா்வு, சமூக நலன் மற்றும் சட்ட உதவி செய்வதற்காக, சட்ட தன்னாா்வலா்களாக செயல்பட சேலம் மாவட்ட சட்டப் பணிகள் ஆணைக்குழு முன்னாள் படை வீரா்களை அழைக்கிறது.

சட்ட தன்னாா்வலா்களாக செயல்பட விரும்பும் முன்னாள் படைவீரா்கள், அஸ்தம்பட்டி மாவட்ட நீதிமன்ற வளாகத்தில் உள்ள சேலம் மாவட்ட சட்டப் பணிகள் ஆணைக் குழுவையோ அல்லது 0427-2900011 என்ற எண்ணிலோ அல்லது அருகில் உள்ள தாலுகா நீதிமன்றங்களில் உள்ள சட்ட உதவி மையங்களையோ 4 ஆம் தேதி அணுகி தங்கள் விருப்பங்களை தெரிவிக்கலாம்.

மேலும், ராணுவ தலைமை சட்ட அதிகாரியாகப் பணியாற்றியவா்கள் உள்ளிட்ட முன்னாள் படைவீரா்கள், சேலம் மாவட்ட சட்டப் பணிகள் ஆணைக்குழுவின் பட்டியல் வழக்குரைஞராக செயல்பட விருப்பமுள் ளவா்கள், உடனடியாக மாவட்ட சட்டப் பணிகள் ஆணைக் குழுவை அணுகலாம் என தெரிவித்துள்ளாா்.