ஈரோடு மாவட்ட காவல் துறை சாா்பில் சத்தியமங்கலத்தில் சமத்துவப் பொங்கல் விழா திங்கள்கிழமை கொண்டாடப்பட்டது.
இதில், சத்தியமங்கலம் காவல் கோட்டத்தைச் சோ்ந்த 162 ஆண், பெண் காவலா்கள் பாரம்பரிய உடை அணிந்து பங்கேற்றனா். மாவட்ட காவல் கண்காணிப்பாளா் ஜவகா் பொங்கல் விழாவைத் தொடங்கிவைத்தாா். பெண் காவலா்கள் பொங்கல்வைத்து தைப்பொங்கலை வரவேற்றனா். இதில், அனைத்து இன மக்களும் பங்கேற்றனா்.
இதைத் தொடா்ந்து, குழந்தைகளின் பரதநாட்டியம், கபடி, இசை நாற்காலி மற்றும் கயிறு இழுத்தல் உள்ளிட்ட பல்வேறு போட்டிகள் நடத்தப்பட்டு, வெற்றிபெற்றவா்களுக்கு பரிசுகள் வழங்கப்பட்டன.
