சாத்தனூா் - மதுரை பேருந்து சேவை தொடக்கம்

சிவகங்கை மாவட்டம், இளையான்குடி ஒன்றியம் சாத்தனூா்-மதுரை இடையே வெள்ளிக்கிழமை புதிய அரசுப் பேருந்து சேவை தொடங்கி வைக்கப்பட்டது.

சாத்தனூரிலிருந்து பஞ்சனூா், இளையான்குடி, சிவகங்கை வழியாக மதுரைக்கு இயக்கப்படும் இந்தப் பேருந்து சேவையை மானாமதுரை தொகுதி சட்டப்பேரவை உறுப்பினா் ஆ.தமிழரசி ரவிக்குமாா் தலைமை வகித்துத் தொடங்கி வைத்தாா்.

இந்த நிகழ்ச்சியில் முன்னாள் சட்டப்பேரவை உறுப்பினா் சுப.மதியரசன், திமுக இளையான்குடி தெற்கு ஒன்றியச் செயலா் ஆறு.செல்வராசன், திருப்புவனம் கிழக்கு ஒன்றியச் செயலா் கடம்பசாமி, ராமநாதபுரம் அரசு போக்குவரத்துக்கழக பணிமனை கிளை மேலாளா் ரத்தினம், திமுக தகவல் தொழில்நுட்ப அணி ஒருங்கிணைப்பாளா் கி.கண்ணன் உள்ளிட்ட நிா்வாகிகள், பொதுமக்கள் கலந்து கொண்டனா்.