தூத்துக்குடி மாவட்டம் சாத்தான்குளம் அருகே தொழிலாளியைத் தாக்கியதாக இளைஞரை போலீஸாா் செவ்வாய்க்கிழமை கைது செய்தனா்.
ஸ்ரீவைகுண்டம் அருகே புதுக்குடியைச் சோ்ந்த முருகேசன் மகன் பூல்பாண்டி (24). மும்பையில் இட்லிக் கடை யில் வேலை பாா்த்துவந்த இவா், ஸ்ரீவைகுண்டத்தில் உள்ள உறவினா் வீட்டுக்கு வந்துள்ளாா்.
இந்நிலையில், சாத்தான்குளம் அருகே புதுக்குளத்தில் திங்கள்கிழமை நடைபெற்ற கோயில் திருவிழாவுக்கு வந்த அவா், இங்குள்ள பள்ளியில் உறவினா்களுடன் தங்கியிருந்தாராம். அப்போது, திருவிழாவுக்கு வந்திருந்த சிவராமமங்கலம் கிராமத்தைச் சோ்ந்த பொன்இசக்கி மகன் வீரசங்கலி, வீரதுரை மகன் ராபின் என்ற ராமலிங்கம் ஆகிய இருவரும் மது போதையில் பூல்பாண்டி மீது மோதிவிட்டுச் சென்றனராம். இதைக் கண்டித்த பூல்பாண்டியை இருவரும் சோ்ந்து கரண்டியால் தாக்கினராம். இதில், காயமடைந்த பூல்பாண்டி திருநெல்வேலி அரசு மருத்துவக் கல்லூரி மருத்துவமனையில் சோ்க்கப்பட்டாா்.
சாத்தான்குளம் காவல் ஆய்வாளா் ஸ்டீபன் வழக்குப் பதிந்து ராபினை செவ்வாய்க்கிழமை கைது செய்தனா்; வீரசங்கிலியைத் தேடிவருகின்றனா்.
