சாத்தான்குளம் மீன் சந்தையில் மீன்களை திருடியவா் கைது

சாத்தான்குளத்தில் மீன் சந்தையில் புகுந்து 21 கிலோ மீன்களை திருடி சென்றவரை போலீஸாா் சனிக்கிழமை கைது செய்துள்ளனா்.

சாத்தான்குளம் அருகே உள்ள நெடுங்குளத்தைச் சோ்ந்தவா் ஞானராஜ் மகன் முரசொலி மாறன். இவா் மீன் வியாபாரம் செய்து வருகிறாா். வெள்ளிக்கிழமை விற்பனை முடிந்ததும் பதப்படுத்திய மீன்களை சந்தையில் வைத்து விட்டு வீட்டிற்கு சென்றுள்ளாா். சனிக்கிழமை வந்து பாா்த்தபோது 21 கிலோ மீன்கள் திருட்டு போனது தெரியவந்தது.

இது குறித்து முரசொலி மாறன் சாத்தான்குளம் காவல் நிலையத்தில் புகாா் அளித்ததைத் தொடா்ந்து போலீஸாா் கண்காணிப்பு கேமராவை ஆய்வு செய்ததில், மீன்களை திருடிய நபா் சாத்தான்குளம் அருகே உள்ள விஜயராமபுரத்தை சோ்ந்த தங்கத்துரை மகன் அப்பாதுரை (55) எனவும், தெருவில் கிடக்கும் காலி பாட்டில்களை சேகரித்து விற்பவா் எனவும் தெரிய வந்தது. அவரை போலீஸாா் கைது செய்து, திருடப்பட்ட மீன்களை பறிமுதல் செய்தனா்.