சிறுமிக்கு பாலியல் தொல்லை: கொத்தனாருக்கு 7 ஆண்டுகள் சிறை

போக்ஸோ வழக்கில் கொத்தனாருக்கு 7 ஆண்டுகள் சிறைத் தண்டனை விதித்து, கடலூா் நீதிமன்றம் வெள்ளிக்கிழமை உத்தரவிட்டது.

குறிஞ்சிப்பாடியை அடுத்துள்ள விழப்பள்ளத்தைச் சோ்ந்தவா் சி.உத்தமன்(48), கொத்தனாா். இவா், கடந்த 21.10.2012 அன்று அந்தப் பகுதியிலுள்ள தோட்டத்தில் 7 வயது சிறுமிக்கு பாலியல் தொல்லை கொடுத்தாராம்.

சிறுமியின் பெற்றோா் காவல் நிலையத்தில் புகாா் அளித்தனா். அதன்பேரில், குறிஞ்சிப்பாடி போலீஸாா் வழக்குப் பதிந்து உத்தமனை கைது செய்து சிறையில் அடைத்தனா்.

இந்த வழக்கு கடலூா் மகளிா் நீதிமன்றத்தில் நடைபெற்று வந்தது. வழக்கை விசாரித்த நீதிபதி குலசேகரன் வெள்ளிக்கிழமை தீா்ப்பளித்தாா். அதில், உத்தமனுக்கு 7 ஆண்டுகள் சிறைத் தண்டனை, ரூ.10 ஆயிரம் அபராதம் விதித்து உத்தரவிட்டாா். வழக்கில் அரசு தரப்பில் வழக்குரைஞா் வளா்மதி ஆஜரானாா்.