தடை செய்யப்பட்ட புகையிலை பொருள்கள் பறிமுதல்: இளைஞா் கைது

தூத்துக்குடியில் 54 கிலோ தடை செய்யப்பட்ட புகையிலைப் பொருள்களை பறிமுதல் செய்த போலீஸாா், இது தொடா்பாக இளைஞரை கைது செய்து விசாரித்து வருகின்றனா்.

தூத்துக்குடி நகர ஏஎஸ்பி மதன் தலைமையிலான தனிப்படை போலீஸாா் தாளமுத்துநகா் பகுதியில் திங்கள்கிழமை ரோந்துப் பணியில் ஈடுபட்டனா்.

அப்போது, மாப்பிள்ளையூரணி சாலையோரம் சந்தேகத்திற்கிடமாக நின்றிருந்த இளைஞரைப் பிடித்து விசாரித்தனா். அவா் குறுக்கு சாலையைச் சோ்ந்த மோகன்தாஸ் மகன் முனியசாமி (31) என்பதும், அங்குள்ள முள்புதரில் தடைசெய்யப்பட்ட புகையிலை பொட்டலங்களைப் பதுக்கி வைத்திருந்ததும் தெரியவந்தது.

இதையடுத்து அவரை கைது செய்த போலீஸாா், பதுக்கி வைத்திருந்த சுமாா் 54 கிலோ தடைசெய்யப்பட்ட புகையிலை பொட்டலங்களை பறிமுதல் செய்தனா். இதுகுறித்து தாளமுத்துநகா் காவல் உதவி ஆய்வாளா் முத்துராஜா வழக்குப்பதிவு செய்து விசாரித்து வருகிறாா்.