செய்யாறு: செய்யாறு அருகே தனியாா் நிறுவனத்தில் 450 கிலோ இரும்புக் குழாய்கள் திருடுபோன சம்பவம் தொடா்பாக 6 பேரை போலீஸாா் திங்கள்கிழமை கைது செய்தனா்.
திருவண்ணாமலை மாவட்டம், செய்யாறு சிப்காட் தொழில்பேட்டை வளாகத்தில் தனியாா் மோட்டாா் சைக்கில் நிறுவனத்தின் கட்டுமானப் பணிகள் நடைபெற்று வருகின்றன.
அதற்காக அந்நிறுவனத்தில் இரும்புக் குழாய்கள் அடுக்கி வைக்கப்பட்டு இருந்ததாகத் தெரிகிறது. அவற்றை ஞாயிற்றுக்கிழமை நிறுவனத்தினா் சரிபாா்த்தபோது அதில் இருந்த சுமாா் 450 கிலோ இரும்புக் குழாய்கள் திருடு போயிருப்பது தெரிய வந்தது.
இதுகுறித்து அந்நிறுவனத்தின் மேலாளா் பொன்னுசாமி
தூசி போலீஸில் புகாா் அளித்தாா். காவல் உதவி ஆய்வாளற் சுரேஷ்பாபு வழக்குப் பதிவு செய்தாா்.
மேலும், இது தொடா்பாக திருப்போரூா் வட்டம், காரணை கிராமத்தைச் சோ்ந்த கோவிந்தசாமி (38), வீரராகவன் (36), ஹேமராஜன் (27), திருக்கழுக்குன்றம் பெருமலேரி கிராமத்தைச் சோ்ந்த தயாநிதி (31), செய்யாறு வட்டம், மகாஜனம்பாக்கம் கிராமத்தைச் சோ்ந்த ஜெய்சங்கா் (33), மாத்தூா் கிராமத்தைச் சோ்ந்த பெருமாள் (42) ஆகியோா் போலீஸாா் கைது செய்து விசாரணை நடத்தி வருகின்றனா்.
