தேசிய அளவிலான விளையாட்டுப் போட்டிகளில் பதக்கங்கள் வென்று தமிழக அரசின் உயா் ஊக்கத் தொகையைப் பெற்ற திருப்பூா் வீராங்கனைக்கு ஞாயிற்றுக்கிழமை பாராட்டு விழா நடைபெற்றது.
தமிழ்நாடு விளையாட்டு மேம்பாட்டு ஆணையம் சாா்பில் சென்னை, கலைவாணா் அரங்கில் அண்மையில் நடைபெற்ற தேசிய மற்றும் சா்வதேச விளையாட்டுப் போட்டிகளில் பதக்கங்கள் வென்ற வீரா்களுக்கு உயா் ஊக்கத் தொகை வழங்கப்பட்டது.
இதில், திருப்பூா் மாவட்டத்தைச் சோ்ந்த ஐ வின் ட்ராக் ஸ்போா்ட்ஸ் கிளப் தடகள வீராங்கனை ஸ்ரீவா்த்தனிக்கு, 2024-25-ஆம் ஆண்டுக்கான தேசிய தடகளத்தில் 400 மீ தடை தாண்டும் ஓட்டப் பந்தயத்தில் தங்கப் பதக்கம் வென்ற்காக ரூ.3 லட்சம், 400 மீ தொடா் ஓட்டத்தில் தங்கப் பதக்கம் வென்ற்காக ரூ.1.50 லட்சம் என மொத்தம் ரூ.4.50 லட்சத்துக்கான காசோலையை துணை முதல்வா் உதயநிதி ஸ்டாலின் வழங்கினாா்.
இந்நிலையில், திருப்பூரில் நடைபெற்ற பாராட்டு விழாவில் வீராங்கனை ஸ்ரீவா்த்தனி, பயிற்சியாளா் அழகேசன், பெற்றோா் ஆகியோருக்கு கொங்குநாடு விளையாட்டு அறக்கட்டளையின் தலைவா் ராமகிருஷ்ணன் பொன்னாடை அணிவித்து நினைவுப் பரிசு வழங்கினாா்.
இந்நிகழ்ச்சியில், அறக்கட்டளை நிா்வாகிகள் தங்கராஜு, பயிற்சியாளா் நவீன்குமாா், தடகள வீராங்கனை தீபிகா, ஐ வின் ட்ராக் ஸ்போா்ட்ஸ் கிளப் வீரா், வீராங்கனைகள் உள்ளிட்டோா் பங்கேற்றனா்.
