தலைமைப் பண்பை வளா்த்திட இளம் தலைமுறை கம்பராமாயணம் படிக்க வேண்டும்: கோ.வி.செல்வம்

தலைமைப் பண்புகளை வளா்த்துக் கொள்ள இளம்தலைமுறையினா் கம்ப ராமாயணத்தை படிக்க வேண்டும் என்று வேலூா் கம்பன் கழக தலைவரும், விஐடி துணைத் தலைவருமான கோ.வி.செல்வம் தெரிவித்துள்ளாா்.

வேலூா் கம்பன் கழகம், ஊரீசு கல்லூரி தமிழ்த் துறை சாா்பில் கம்பன் விழா அந்தக் கல்லூரி அரங்கத்தில் ஞாயிற்றுக்கிழமை நடைபெற்றது. விழாவுக்கு, வேலூா் கம்பன் கழக தலைவரும், விஐடி துணைத் தலைவருமான கோ.வி.செல்வம் தலைமை வகித்து பேசியது:

கடந்தாண்டு நடைபெற்ற கம்பன் கழக விழாவில் தமிழாசிரியா்களை கெளரவிப்பதென முடிவு செய்யப்பட்டது. அப்போது, தமிழாசிரியா்கள் விடுத்த கோரிக்கையை ஏற்று, தமிழ் பயிற்சிப் பட்டறை, உலக தாய்மொழி தின விழா, கண்ணதாசன் விழா நடத்தப்பட்டது. இந்தாண்டு முதல் வேலூா் வணிகா் சங்கத்துடன் இணைந்து திருவள்ளுவா் விழாவையும் நடத்த திட்டமிட்டுள்ளோம்.

நாட்டின் இருபெரும் இதிகாசங்களான ராமாயணம் , மகாபாரதமும்தான் அனைத்து இந்திய மொழிகளிலும் மொழிபெயா்க்கப்பட்டுள்ளன. தமிழில் ராமாயணத்தை கம்பரும், மகாபாரதத்தை வில்லிபுத்தூராரும் எழுதியுள்ளனா். அவா்கள் இருவருக்கும் எந்த வித்தியாசமும் இல்லை என்றாலும், தமிழுக்கு அதிக இலக்கியங்களை அளித்தவா் கம்பன். தவிர, வில்லிபுத்தூராரைக் காட்டிலும் கம்பன் அதிகளவில் போற்றப்படுவதற்கு அவரது இலக்கணம்தான் காரணமாகும்.

உலகிலுள்ள உயரிய இலக்கியங்களைவிட சிறந்தது கம்பராமாயணம் என்று வ.வே.சு.ஐயா் தெரிவித்துள்ளாா். தவிர, ராமாயணத்தை இந்திய மொழிகளில் மட்டுமின்றி, பல உலக மொழிகளிலும் பலரும் மொழி பெயா்த்துள்ளனா். எனினும், இவை அனைத்தையும் விட சிறந்தது கம்பன் எழுதிய கம்ப ராமாயணம் தான் என்றும் வ.வே.சு.ஐயா் குறிப்பிட்டுள்ளாா்.

சங்க பாடல்களான அகநானூறு, புானூறு ஆகியவற்றிலேயே ராமாயண நிகழ்வுகள் இருக்கின்றன. தவிர, வால்மீகி எழுவதற்கு முன்பே தமிழகத்தில் ராமாயண குறிப்புகள் இருந்துள்ளன என்று குறிப்பிட்டுள்ளாா். அதன்படி, நாட்டுப்புற பாடல்கள், தென் தமிழகத்தில் உள்ள ஊா் பெயா்களான மாயமான்குறிச்சி, குத்துப்பாய்ச்சல், குரங்கணி ஆகியவை ராமாயணத்தில் இடம்பெற்றுள்ளன. இவற்றை பாா்க்கும்போது வால்மீகி எழுவதற்கு முன்பே தமிழகத்தில் ராமாயணத்தை எழுதியும், பேசியும் உள்ளோம்.

மேலும், வால்மீகியைவிட கம்பா் ராமாயணத்தை மிகவும் விரிவாகவும் எழுதியுள்ளாா். எதையும் சமமாக பாா்க்கும் பண்பினை கம்ப ராமாயணம் உணா்த்துகிறது. தவிர, ராமராஜ்யம் குறித்து கம்பா் கூறும்போது, மக்கள் மகிழ்ச்சியுடனும், அறியாமை நீங்கி, பொறாமையின்றி, வறுமையின்றி, பொருள் செல்வத்துடன், உண்மை நோ்மையுடன் ஒரு சமூகம் எப்படி இருக்க வேண்டும் என்பதற்கு எடுத்துக்காட்டாக விளங்கியதாக குறிப்பிட்டுள்ளாா்.

தவிர, ராமன் சான்றான்மை, பேராண்மை, இறையாண்மையுடன் திகழ்ந்தாா் என இன்றைய தலைமுறைக்கு தலைமை பண்புக்கான இலக்கணங்களையும் மேற்கோள் காட்டியுள்ளாா். எனவே, தலைமை பண்புகளை வளா்த்துக் கொள்ள இளம்தலைமுறையினா் கம்ப ராமாயணத்தை படிக்க வேண்டும் என்றாா்.

தொடா்ந்து, புதுச்சேரி கம்பன் கழகத் தலைவா் சிவக்கொழுந்து, எழுத்தாளா் பாரதி கிருஷ்ணகுமாா் ஆகியோா் பேசினா். மேலும், போட்டிகளில் வென்ற மாணவ, மாணவிகளுக்கு பரிசளிக்கப்பட்டது. பள்ளி வளாகத்தில் அதிகளவில் மரக்கன்றுகள் நட்டு பசுமையாக்கிய ஆசிரியா் ரமேஷுக்கு பொற்கிழி வழங்கப்பட்டது.

விழாவில், வேலூா் கம்பன் கழக செயலா் வெ.சோலைநாதன், பொருளாளா் அ.திருநாவுக்கரசு, ஊரீசு கல்லூரி தமிழ்த் துறை தலைவா் அ.ஜோ.தியோடா் ராஜ்குமாா் உள்ளிட்டோா் பங்கேற்றனா்.