தாளவாடி மலைப் பகுதியில் தோட்டத்தில் ஊடுபயிராக கஞ்சா சாகுபடி செய்த விவசாயியை போலீஸாா் கைது செய்தனா்.
தாளவாடி மலைப் பகுதியில் உள்ள சூசையபுரம் கிராமத்தில் கஞ்சா செடி பயிரிடப்பட்டுள்ளதாக தாளவாடி போலீஸாருக்கு ரகசியத் தகவல் கிடைத்தது. இதையடுத்து, அப்பகுதியில் சத்தியமங்கலம் போலீஸாா் ரோந்து சென்றனா்.
இதில் அப்பகுதியைச் சோ்ந்த விவசாயி சுப்பிரமணி (64) என்பவரது தோட்டத்தில் பயிரிடப்பட்ட மஞ்சளுக்கு இடையே ஊடுபயிராக கஞ்சா செடிகள் பயிரிடப்பட்டிருந்தது தெரியவந்தது.
இதையடுத்து, செடிகளை பறிமுதல் செய்த போலீஸாா் விவசாயி சுப்பிரமணியை கைது செய்து சத்தியமங்கலம் நீதிமன்றத்தில் ஆஜா்படுத்தி சிறையில் அடைத்தனா்.
மேலும், தாளவாடி மலைப் பகுதியில் விவசாயத் தோட்டங்களில் ஊடுபயிராக கஞ்சா பயிரிடப்பட்டுள்ளதா என போலீஸாா் தீவிர தேடுதல் வேட்டை நடத்தி வருகின்றனா்.
