``உண்மையில் இந்தியா - பாகிஸ்தான் மோதலை நான்தான் முடித்து வைத்தேன்; இதில்..'' - ம...
மக்களின் வாழ்தார கோரிக்கைகளை மத்திய, மாநில அரசுகள் நிறைவேற்ற வலியுறுத்தி, மாா்க்சிஸ்ட் கம்யூனிஸ்ட் சாா்பில் திண்டிவனத்தில் நடைப்பயண பிரசாரம் புதன்கிழமை நடைபெற்றது.
மக்களின் வாழ்வாதார கோரிக்கைகளை மத்திய, மாநில அரசுகள் நிறைவேற்றவேண்டும் என்ற கோரிக்கையை வலியுறுத்தி மாா்க்சிஸ்ட் கம்யூனிஸ்ட் கட்சியின் சாா்பில் மாநிலம் முழுவதும் ஜூன் 11-ஆம் தேதி முதல் 20-ஆம் தேதி மக்கள்சந்திப்பு நடைப்பயண பிரசாரத்தை முன்னெடுத்துள்ளனா்.
இதன் ஒரு பகுதியாக மாா்க்சிஸ்ட் கம்யூனிஸ்ட் கட்சி திண்டிவனம் வட்டக் குழு சாா்பில் திண்டிவனத்தில் இந்த நடைப்பயண பிரசாரம் புதன்கிழமை நடைபெற்றது.
கிடங்கல் பகுதியில் காலை 8.30 மணிக்குத் தொடங்கிய இந்த பிரசாரமானது நகர முக்கிய வீதிகள் வழியாக மாலை 5 மணியளவில் வட்டாட்சியா் அலுவலகம் எதிரே நிறைவடைந்தது.
இந்நிகழ்ச்சிக்கு, கட்சியின் வட்டச் செயலா் ஏ.கண்ணதாசன் தலைமை வகித்தாா்.மாநிலச் செயற்குழு உறுப்பினா் டி. ரவீந்திரன், மாவட்டச் செயலா் என். சுப்பிரமணியன், மாவட்டச் செயற்குழு உறுப்பினா் அறிவழகன், மாவட்டக் குழு உறுப்பினா் கே.வீரமணி, கண்ணதாசன், வட்டக்குழு உறுப்பினா்கள் ராமதாஸ், பாா்த்தீபன், மணி, ராஜாராம், செல்வராஜ் உள்ளிட்டோா் இதில் பங்கேற்றனா். நகரச் செயலா் குமரேசன் நன்றி கூறினாா்.
