திமுக ஆட்சியில் அனைத்து வரிகளும் உயா்த்தப்பட்டுள்ளன: முன்னாள் அமைச்சா் எஸ்.பி.வேலுமணி

திமுக ஆட்சியில்தான் அனைத்து வரிகளும் உயா்த்தப்பட்டுள்ளதாக திருப்பூரில் அதிமுக உண்ணாவிரதப் போராட்டத்தை நிறைவு செய்துவைத்த முன்னாள் அமைச்சா் எஸ்.பி.வேலுமணி குற்றஞ்சாட்டியுள்ளாா்.

திருப்பூரில் சொத்து வரி, தொழில் வரி உள்ளிட்ட பல்வேறு வரி உயா்வுகளை ரத்து செய்யக் கோரியும், மாநகராட்சி அலுவலகம் முன்பாக சாலை மறியலில் ஈடுபட்ட அதிமுக மாமன்ற உறுப்பினா்கள் கைது செய்யப்பட்டதைக் கண்டித்தும் அதிமுக சாா்பில் செவ்வாய்க்கிழமை உண்ணாவிரதப் போராட்டம் நடைபெறும் என்று அக்கட்சியின் பொதுச் செயலாளா் எடப்பாடி கே.பழனிசாமி அறிவித்திருந்தாா்.

இந்த அறிவிப்பின்படி திருப்பூா் மாநகராட்சி அலுவலகம் முன்பாக அதிமுக சாா்பில் உண்ணாவிரதப் போராட்டம் செவ்வாய்க்கிழமை நடைபெற்றது. இந்தப் போராட்டத்துக்கு மாநகராட்சி எதிா்க்கட்சித் தலைவா் அன்பகம் திருப்பதி தலைமை வகித்தாா். மாநகராட்சி எதிா்க்கட்சி கொறடா கண்ணப்பன் வரவேற்புரையாற்றினாா்.

இந்தப் போராட்டத்தை முன்னாள் சட்டப் பேரவை துணைத் தலைவரும், மாநகா் மாவட்டச் செயலாளருமான பொள்ளாச்சி வி.ஜெயராமன் தொடங்கிவைத்தாா். இந்த உண்ணாவிரதப் போராட்டத்தை நிறைவு செய்து வைத்த முன்னாள் அமைச்சா் எஸ்.பி.வேலுமணி பேசியதாவது:

அதிமுக ஆட்சியில் எப்போதும் சொத்து வரி, வீட்டு வரி உயா்த்தியது கிடையாது. திமுக ஆட்சி எப்போது வருகிறதோ அப்போது எல்லாம் சொத்து வரி, வீட்டு வரி உயா்த்தப்படுகிறது. திருப்பூா் மாநகராட்சியில் வீடுகளுக்கு 100 சதவீதமும், கடைகளுக்கு 150 சதவீதமும் வரி உயா்த்தப்பட்டுள்ளது. மின்சார கட்டணமும் கடுமையாக உயா்த்தப்பட்டுள்ளது.

வரியை உயா்த்தும்போது மக்களுக்குத் தெரியவில்லை. 6 மாதங்களுக்கு ஒருமுறை வரி கட்டும்போதும், 2 மாதங்களுக்கு ஒருமுறை மின் கட்டணம் கட்டும்போதும்தான் தெரிந்துள்ளது.

உலக அளவில் அந்நியச் செலாவணியை அதிக அளவில் ஈட்டித்தருவது டாலா் சிட்டியான திருப்பூா். தற்போதைய ஆட்சியில் திருப்பூரில் அனைத்து வரிகளும் உயா்த்தப்பட்டுள்ளதால் தொழில் நலிவடைந்து வருகிறது. ஆகவே, வரும் 2026-ஆம் ஆண்டு சட்டப் பேரவைத் தோ்தலில் அதிமுக வெற்றி பெற்று எடப்பாடி கே.பழனிசாமி முதல்வராவது உறுதி.

மத்திய அரசு சொன்னதால்தான் வரி உயா்த்தப்பட்டுள்ளது என்கின்றனா். மத்திய அரசு சொல்வதை எல்லாம் மாநில அரசு கேட்க வேண்டியது இல்லை. கரோனா காலகட்டத்தில் கூட மத்திய அரசு வரியை உயா்த்தக்கோரி சுற்றறிக்கை அனுப்பியபோதும் அப்போதைய முதல்வா் எடப்பாடி கே.பழனிசாமி, மக்கள் கஷ்டத்தில் உள்ளதால் வரியை உயா்த்தக் கூடாது என்று அதிகாரிகளுக்கு உத்தரவிட்டாா்.

திமுக அரசு ஆட்சிப் பொறுப்பேற்ற மூன்றரை ஆண்டுகளில் மாநகராட்சிக்கு எந்த ஒரு திட்டமும் வரவில்லை. அதிமுக ஆட்சியில்தான் கூட்டுக் குடிநீா்த் திட்டம் உள்ளிட்ட அனைத்து திட்டங்களும் கொண்டு வரப்பட்டுள்ளன என்றாா்.

இந்தப் போராட்டத்தில், முன்னாள் அமைச்சா்கள் எம்.எஸ்.எம்.ஆனந்தன், உடுமலை கே.ராதாகிருஷ்ணன், சட்டப் பேரவை உறுப்பினா்கள் கே.என்.விஜயகுமாா், சி.மகேந்திரன், முன்னாள் எம்.பி. சிவசாமி, முன்னாள் சட்டப் பேரவை உறுப்பினா்கள் சு.குணசேகரன், கரைப்புதூா் நடராஜன், என்.எஸ்.என்.நடராஜன், அதிமுக மாமன்ற உறுப்பினா்கள் மற்றும் கூட்டணிக் கட்சி நிா்வாகிகள் மற்றும் பொதுமக்கள் உள்ளிட்ட பலா் கலந்து கொண்டனா்.