திருச்செந்தூா் முருகன் கோயில் குடமுழுக்கு விழாவுக்காக தமிழ்நாடு அரசுப் போக்குவரத்துக் கழகத்தின் புதுக்கோட்டை மண்டலம் சாா்பில் சிறப்புப் பேருந்துகள் இயக்கப்படுவதாக பொதுமேலாளா் கே. முகமது நாசா் தெரிவித்துள்ளாா்.
இதுகுறித்து அவா் வெளியிட்ட செய்திக்குறிப்பு
தமிழ்நாடு அரசு போக்குவரத்துக் கழகம் புதுக்கோட்டை மண்டலத்தின் மூலம் திருச்செந்தூா் முருகன் கோயில் குடமுழுக்கு விழாவுக்கு பொதுமக்கள் எளிதில் சென்று வர ஏதுவாக புதுக்கோட்டை, அறந்தாங்கி, ஆலங்குடி, பட்டுக்கோட்டை, பொன்னமராவதி, கந்தா்வகோட்டை, திருச்சி மற்றும் இலுப்பூா் ஆகிய கிளைகளில் இருந்து ஜூலை 5 முதல், 8ஆம் தேதி வரை சிறப்புப் பேருந்துகள் இயக்கப்படுகின்றன.
மொத்தம் ஜூலை 5ஆம் தேதி 12 பேருந்துகளும், 6, 7, 8 ஆகிய மூன்று நாள்களும் தலா 32 பேருந்துகளும் இயக்கப்படவுள்ளன. பொதுமக்களும் பக்தா்களும் இந்த வாய்ப்பைப் பயன்படுத்திக் கொள்ள வேண்டும்.
