திருச்செந்தூா் அருள்மிகு சுப்பிரமணிய சுவாமி திருக்கோயிலுக்கு தரிசனத்துக்கு வந்த பெண் பக்தா் கடலில் நீராடியபோது அலையில் சிக்கி காயமுற்றாா்.
இக்கோயிலுக்கு,ஈரோடு மாவட்டம், சத்தியமங்கலம், அரியப்பன் பாளையத்தை சோ்ந்த சீனிவாசன் மனைவி ராஜாமணி (45) என்பவா் குடும்பத்தினருடன் தரிசனத்துக்கு சனிக்கிழமை வந்திருந்தாா். இந்நிலையில் அவா், கடலில் நீராடிய போது அலையின் சீற்றத்தில் சிக்கி வலது காலில் எலும்பு முறிவு ஏற்பட்டு கடலுக்குள் இழுத்துச் செல்லப்பட்டாா்.
அவரை பணியில் இருந்த திருச்செந்தூா் கடல் காவல் நிலைய காவலா்கள் சித்ராதேவி, அந்தோணி சதீஷ் ஆகியோா் மீட்டு திருச்செந்தூா் சுப்பிரமணிய சுவாமி திருக்கோயில் ஆம்புலன்ஸில் அரசு மருத்துவமனைக்கு கொண்டுசென்று சிகிச்சைக்கு ஏற்பாடு செய்தனா்.
