தமிழகத்தில் காவல் துறை அதிகாரிக்குகூட பாதுகாப்பு இல்லை! தமிழிசை குற்றச்சாட்டு

தமிழகத்தில் காவல் துறை அதிகாரிகளுக்குக்கூட பாதுகாப்பில்லை என்றாா் பாஜக முன்னாள் மாநிலத் தலைவா் தமிழிசை செளந்தரராஜன்.

தூத்துக்குடி விமான நிலையத்தில் செய்தியாளா்களிடம் அவா் சனிக்கிழமை கூறியதாவது: தூத்துக்குடி விமான நிலைய விரிவாக்கப் பணிகளை தொடங்கிவைப்பது மட்டுமல்லாமல், ரூ.4,800 கோடி மதிப்பிலான முடிவுற்ற திட்டப் பணிகளை பிரதமா் நாட்டு மக்களுக்கு அா்ப்பணிக்கிறாா். புதிய திட்டங்களை தொடங்கிவைக்கிறாா்.

வீடு வீடாகச் சென்று பாஜக நிதி கொடுக்கவில்லை என்று சொல்லும் திமுகவினா், இனி பாஜக கொடுத்திருக்கும் நிதி குறித்து சொல்ல வேண்டும்.

உங்களுடன் ஸ்டாலின் என்று கூறி, மக்களிடம் மனுக்கள் வாங்குகிறாா்கள். 4 ஆண்டுகளாக செய்ய முடியாததை, 45 நாள்களுக்குள் எப்படி செய்ய முடியும்?

தமிழகத்தில் பெண்களுக்கு பாதுகாப்பு இல்லை. ஏன் காவல் துறை அதிகாரிக்குக்கூட பாதுகாப்பு இல்லை. இங்கு நோ்மையாளா்கள் அனைவரும் குறிவைக்கப்படுகின்றனா்.

இந்தியாவிலேயே தமிழக சுகாதாரத் துைான் முதல் இடத்தில் இருக்கிறது என்கிறீா்கள். பிறகு ஏன் முதல்வா் அரசு மருத்துவமனையில் சிகிச்சை எடுத்துக் கொள்ளவில்லை?

பிரதமா் மோடிக்கு, தமிழகத்தில் மிகப்பெரிய இணைப்பு உள்ளது. இங்கு இனி பெரியாா் புராணம் பாட முடியாது; பெரிய புராணம் தான் பாட முடியும். ஆன்மிக தமிழ், காவி தமிழ் தான் ஓங்கி இருக்கப் போகிறறது என்றாா் அவா்.