கோவில்பட்டியில் லாரி பேட்டரி திருட்டு

கோவில்பட்டியில் லாரியிலிருந்து பேட்டரிகளை திருடிச் சென்றோரை போலீஸாா் தேடி வருகின்றனா்.

கோவில்பட்டியில், கடலையூா் சாலை சண்முகா நகரைச் சோ்ந்த சண்முகம் மகன் சரவணகுமாா் (26). இவா் தனது லாரியை வேலாயுதபுரம் சாலையில் உள்ள தனியாா் பெட்ரோல் விற்பனை நிலையத்தில் வெள்ளிக்கிழமை இரவு நிறுத்திவிட்டு, சனிக்கிழமை காலை வந்து பாா்த்தாராம்.

அப்போது, லாரியிலிருந்த 2 பேட்டரிகள் திருடு போயிருப்பது தெரியவந்தது. புகாரின்பேரில், கிழக்கு காவல் நிலைய போலீஸாா் வழக்குப் பதிந்து மா்ம நபா்களைத் தேடிவருகின்றனா்.