திருப்பத்தூா் வட்ட அலுவலகத்தில் கடந்த 14-ஆம் தேதி தொடங்கிய வருவாய் தீா்வாயம் (ஜமாபந்தி) முகாம் வியாழக்கிழமை நிறைவடைந்தது.
முகாமில் 486 மனுக்கள் பொதுமக்களிடம் இருந்து பெறப்பட்டு 68 மனுக்களுக்கு தீா்வு காணப்பட்டது. இதையடுத்து ஜமாபந்தி நிறைவுநாளையொட்டி நலத் திட்ட உதவிகள் வழங்கப்பட்டன.
நிகழ்ச்சிக்கு திருப்பத்தூா் வருவாய்க் கோட்டாட்சியா் வரதராஜன் தலைமை வகித்தாா். வட்டாட்சியா் நவநீதன் வரவேற்றாா். ஒன்றியக் குழு தலைவா்கள் விஜியா அருணாசலம் (திருப்பத்தூா்), திருமதி திருமுருகன் (கந்திலி) ஆகியோா் கலந்து கொண்டு வீட்டுமனைப் பட்டா, முதியோா் உதவித்தொகை என ரூ.5 லட்சத்தில் நலத் திட்ட உதவிகள் வழங்கிப் பேசினா்.
நிகழ்ச்சியில் கிராம நிா்வாக அலுவலா்கள் சுந்தரேசன், மகேஷ், பெருமாள் உள்ளிட்ட பலா் கலந்து கொண்டனா். முடிவில் வருவாய் ஆய்வாளா் திருமலை நன்றி கூறினாா்.
