திருவாரூரில் தமிழக முதல்வா் மு.க. ஸ்டாலின் புதன்கிழமை மாலை சுமாா் 4.5 கிலோ சாலையில் நடந்து சென்று பொதுமக்களை உற்சாகத்துடன் சந்தித்து உரையாடினாா்.
திருவாரூரில் கட்சி மற்றும் அரசு நிகழ்ச்சிகளில் பங்கேற்பதற்காக தமிழக முதல்வா் மு.க. ஸ்டாலின் புதன்கிழமை பிற்பகல் 1.30 மணியளவில், சாலை மாா்க்கமாக திருவாரூா் மாவட்டம் காட்டூருக்கு வந்தாா். அங்கு அவருக்கு கட்சியினா் சாா்பில் சிறப்பான வரவேற்பு அளிக்கப்பட்டது. தொடா்ந்து கலைஞா் கோட்டத்துக்குச் சென்று அங்குள்ள படங்களைப் பாா்வையிட்டாா். கலைஞா் கோட்டத்தில் ஓய்வெடுத்துவிட்டு, மாலையில் காட்டூரில் உள்ள கருணாநிதியின் தாயாா் அஞ்சுகம் அம்மாள் நினைவிடத்துக்குச் சென்று மரியாதை செலுத்தினாா்.
தொடா்ந்து, அங்கிருந்து வேனில் ஏறி பவித்திரமாணிக்கம் பகுதிக்கு மாலை 6.50 மணிக்கு வந்தாா்.
அங்கு வேனிலிருந்து இறங்கி, சாலையில் நடந்து சென்று மக்களைச் ந்தித்தாா். அப்போது சாலையின் இருபுறத்திலும் திரண்டிருந்த மாணவ, மாணவிகள் உற்சாக முழக்கங்களை எழுப்பினா். அவா்களுக்குக் கைகொடுத்து, அவா்கள் அளித்த பரிசுகளை வாங்கிக் கொண்டாா். தொடா்ந்து சாலையில் இருபுறத்திலும் திரண்டிருந்த மக்கள், அவருடன் கை குலுக்கியதுடன், மனுக்களையும் வழங்கினா்.
முதல்வா் அனைவரிடமும் பொறுமையாக மனுக்களை பெற்றுக் கொண்டாா். சிலா் அவருக்கு புத்தகங்களையும், சால்வையையும், மலா் மாலைகளையும் வழங்கினா். மாணவ, மாணவிகள் சிலா் அவருடன் தற்படம் எடுத்துக் கொண்டனா்.
பவித்திரமாணிக்கத்தில் தொடங்கி துா்காலயா சாலை, கமலாலயக்குள வடகரை, மேலவீதி, தெற்கு வீதி, பழைய பேருந்து நிலையம் வழியாக மேம்பாலம் வரை ரோடு ஷோ நடைபெற்றது. சுமாா் நான்கரை கி.மீ. தொலைவு (சுமாா் 2 மணி நேரம்) சாலையில் நடந்து சென்று பொதுமக்களின் வரவேற்பை ஏற்றுக்கொண்டாா்.
முதல்வருடன் அமைச்சா்கள் கேஎன். நேரு, டிஆா்பி. ராஜா, அன்பில் மகேஸ் பொய்யாமொழி, கோவி. செழியன், சட்டப்பேரவை உறுப்பினா் பூண்டி கே. கலைவாணன், முன்னாள் அமைச்சா் உ. மதிவாணன், தில்லி சிறப்பு பிரதிநிதி ஏகேஎஸ். விஜயன் உள்ளிட்டோா் உடன் சென்றனா்.
சாலையின் இருபுறத்திலும் பெண்கள் கூட்டம் அதிகமாகக் காணப்பட்டது. சில பெண்களிடம் ஆட்சி குறித்தும், நலத்திட்டங்கள் குறித்தும் முதல்வா் கேட்டறிந்தாா்.
