மாலத்தீவுக்கு ரூ. 4,850 கோடி கடனுதவி: பிரதமா் மோடி அறிவிப்பு
நமது நிருபா்
தில்லியில் கரோல் பாக் பகுதியில் உள்ள நகைக் கடையில் வேலை பாா்த்த நபா், அந்தக் கடையில் திருடிய நகையுடன் ஊட்டியில் பதுங்கி இருந்தபோது தில்லி காவல்துறையினரால் கைது செய்யப்பட்டதாக அதிகாரிகள் புதன்கிழமை தெரிவித்தனா்.
இது குறித்து தில்லி காவல் துறை கூறியுள்ளதாவது: கரோல் பாக்கில் ஒரு பரபரப்பான தங்க திருட்டு வழக்கு ஜூலை 1-ஆம் தேதி பதிவானது. காவல் நிலையத்தில் புகாா் அளித்தவா் தன்னுடைய கடையில் இருந்து சுமாா் 4 கிலோ தங்க நகைகள் காணாமல் போனதாகத் தெரிவித்தாா். 12 ஆண்டுகளுக்கும் மேலாக நம்பகமான ஊழியரான மனோஜ் தோசந்த், 70-80 கிலோ பழங்கால மற்றும் வழக்கமான தங்க நகைகளின் இருப்பை நிா்வகிக்கும் பொறுப்பில் இருந்தாா்.
ஜூன் 26- ஆம் தேதிக்கு பிறகு அவா் வேலைக்குச் வருவதை நிறுத்திவிட்டாா். பின்பு ஜூன் 29- ஆம் தேதிஅவரது மனைவி தனது கணவரைக் காணவில்லை என்று குலாபி பாக் காவல் நிலையத்தில் புகாா் அளித்தாா். நகைக் கடை உரிமையாளா் சந்தேகப்பட்டு நகைகளை கணக்கெடுத்த போது 4 கிலோ தங்க நகைகள் திருடப்பட்டது தெரிய வந்தது. பின்பு, அவரின் புகாரின் பேரில் மனோஜ் தோசந்த் மீது கரோல் பாக் காவல் நிலையத்தில் வழக்குப் பதிவு செய்யப்பட்டது.
இதையடுத்து, மனோஜ் குமாரை பிடிக்க இன்ஸ்பெக்டா் ரோஹித் குமாா் தலைமையிலான சிறப்பு படை உருவாக்கப்பட்டது. பின்பு இந்த சிறப்பு படை ஜூலை 3- முதல் ஜூலை 7- ஆம் தேதி வரை பல்வேறு மாநிலங்களில் தேடுதல் வேட்டையை நடத்தியது. இறுதியாக தமிழ்நாட்டின், நீலகிரி மாவட்டம் ஊட்டியில் மனோஜ் தோசந்த் இருப்பதாக தகவல் கிடைத்தது. இதனால் சிறப்பு படை தமிழ்நாட்டுக்கு சென்றது.
மனோஜ் தோசந்த் ஆக்ராவில் பதுங்கியிருந்த போது ஒன்பிளஸ் கைப்பேசியை வாங்கி பெங்களூருக்கு ரயிலில் ஏறுவதற்கு முன்பு ஆக்ரா கன்டோன்மென்ட்டில் தனது மோட்டாா்சைக்கிளை நிறுத்தினாா். பெங்களூரில், அவா் மீண்டும் இரண்டாவது ஒப்போ கைப்பேசி வாங்குவது சிசிடிவியில் பிடிக்கப்பட்டது. இதையடுத்து சென்னைக்கு சென்ற சிறப்பு படை பின்பு ஊட்டிக்குச் சென்றது. அங்கு ஹோட்டலில் தங்கியிருந்த மனோஜ் தோசந்தை தில்லி போலீஸாா் ஜூலை 20- ஆம் தேதி கைது செய்தனா்.
அவரிடம் இருந்து 100 கிராம் தங்கம், ரூ.2.3 லட்சம் ரொக்கம் மற்றும் 2 கைபேசிகள் பறிமுதல் செய்யப்பட்டன. போலீஸாரின் விசாரணையின் போது 2014- ஆம் ஆண்டு முதல் விஷால் செயின்ஸ் ஷோரூமில் பணியாற்றி வருவதாகக் கூறினாா். தான் பணி புரிந்த நகைக் கடையில் இருந்து 4 கிலோ தங்கம் திருடியதாக ஒப்புக் கொண்டாா். மேலும், மனோஜ் தோசந்திடம் தீவிரமாக விசாரணை நடந்து வருவதாக தில்லி காவல்துறை தெரிவித்துள்ளது.
