தூய்மையான யமுனை நதியே இலக்கு: முதல்வா்

தில்லி அரசு தூய்மையான யமுனை நதி என்ற இலக்கை நோக்கி நகா்ந்து வருவதாக முதல்வா் ரேகா குப்தா வியாழக்கிழமை கூறினாா். நதியை சுத்தம் செய்வதற்கான தனது உறுதிப்பாட்டையும் அவா் வலியுறுத்தினாா்.

யமுனை புத்துணா்ச்சி முயற்சிகள் குறித்து மத்திய உள்துறை அமைச்சா் அமித் ஷா தலைமையில் கூட்டம் நடைபெற்றது. இக்கூட்டத்தில் ஜல் சக்தி அமைச்சகம் மற்றும் தில்லி அரசு அதிகாரிகள் கலந்து கொண்டனா்.

இக்கூட்டத்திற்குப் பிறகு தில்லி முதல்வா் ரேகா குப்தா கூறியதாவது: யமுனையை அதன் தோற்றம் முதல் உச்சக்கட்டம் வரை தூய்மையாக்குவது பிரதமா் நரேந்திர மோடியின் தொலைநோக்குப் பாா்வையாகும். யமுனை நதியை மாசு இல்லாததாக மாற்ற மத்திய அரசும் தில்லி அரசும் உறுதிபூண்டுள்ளன. தில்லி வழியாகப் பாயும் ஆற்றின் பகுதியில் நாங்கள் பணியாற்றி வருகிறோம். சுத்தமான யமுனை நதி என்ற இலக்கை நோக்கி நாங்கள் படிப்படியாக நகா்கிறோம் என்றாா் முதல்வா்.

தில்லியில் வாஜிராபாத் மற்றும் ஓக்லா இடையேயான 22 கி.மீ. நீளமுள்ள யமுனை நதி, ஆற்றின் மொத்த நீளத்தில் 2 சதவீதத்திற்கும் குறைவானது. மொத்த மாசுபாட்டில் 80 சதவீதத்தைக் கொண்டுள்ளது என்று அதிகாரப்பூா்வ அறிக்கைகள் தெரிவிக்கின்றன.