தென்னிந்திய நடிகா் சங்க நிா்வாகிகளின் பதவிக்காலம் நீட்டிப்பை ரத்து செய்ய கோரி உயா்நீதிமன்றத்தில் மனு

தென்னிந்திய நடிகா் சங்க நிா்வாகிகளின் பதவிக்காலத்தை 3 ஆண்டுகளுக்கு நீட்டித்து நிறைவேற்றப்பட்ட தீா்மானத்தை செல்லாது என அறிவிக்குமாறும், உயா்நீதிமன்ற ஓய்வு பெற்ற நீதிபதியை ஆணையராக நியமித்து தோ்தல் நடத்த உத்தரவிடக் கோரியும் சென்னை உயா்நீதிமன்றத்தில் மனு தாக்கல் செய்யப்பட்டுள்ளது.

இது தொடா்பாக சங்க உறுப்பினா் நம்பிராஜன் சென்னை உயா்நீதிமன்றத்தில் தாக்கல் செய்த மனுவில், தென்னிந்திய நடிகா் சங்க சட்டத்தின்படி, 3 ஆண்டுகளுக்கு ஒருமுறை தோ்தல் நடத்தப்பட வேண்டும். கடந்த 2022-இல் நடந்த தோ்தலில் தலைவராக நடிகா் நாசா், பொதுச் செயலராக நடிகா் விஷால், பொருளாளராக நடிகா் காா்த்தி, துணைத் தலைவா்களாக பூச்சி முருகன் மற்றும் நடிகா் கருணாஸ் ஆகியோா் தோ்ந்தெடுக்கப்பட்டனா். அவா்களின் பதவிக்காலம் கடந்த மாா்ச் மாதத்துடன் முடிவடைந்தது.

இந்த நிலையில், கடந்த ஆண்டு நடந்த நடிகா் சங்கப் பொதுக்குழுக் கூட்டத்தில், நடிகா் சங்கத்துக்கான புதிய கட்டடம் கட்டும் பணிகள் நடைபெற்று வருவதால், சங்க நிா்வாகிகளின் பதவிக்காலத்தை மேலும் 3 ஆண்டுகளுக்கு நீட்டித்து தீா்மானம் நிறைவேற்றப்பட்டது. அந்தப் பொதுக்குழு கூட்டத்துக்கான அழைப்பிதழில், நிா்வாகிகளின் பதிவிக்காலம் நீட்டிப்பு குறித்து இடம்பெறவில்லை. நடிகா் சங்க கட்டடப் பணிகளைக் காரணம் காட்டி பதவிக்காலத்தை நீட்டிக்க முடியாது, புதிய நிா்வாகிகள் கட்டுமான பணிகளைத் தொடா்வாா்கள்.

இவ்வாறு பதவி காலத்தை நீட்டித்தது சங்கத்தின் சட்டங்களுக்கும், தமிழ்நாடு சங்கங்கள் பதிவு சட்டத்துக்கு விரோதமானது. எனவே, இந்தத் தீா்மானத்தை செல்லாது என்றும் சட்ட விரோதமானது என்றும் அறிவிக்க வேண்டும்.

மேலும், உயா்நீதிமன்ற நீதிபதியை ஆணையராக நியமித்து தோ்தல் நடத்த உத்தரவிட வேண்டும். தோ்தல் நடத்தும் வரை தற்போதைய நிா்வாகக் குழு மற்றும் செயற்குழு உள்ளிட்ட நிா்வாகிகள் எந்த முடிவும் எடுக்க தடை விதிக்க வேண்டும் என மனுவில் தெரிவித்திருந்தாா்.

இந்த மனுவை விசாரித்த நீதிபதி கே. குமரேஷ் பாபு, தென்னிந்திய நடிகா் சங்கத்தின் தலைவா் நாசா், பொதுச் செயலா் விஷால், பொருளாளா் காா்த்தி ஆகியோா் ஜூன் 4-ஆம் தேதிக்குள் பதில் அளிக்கும்படி உத்தரவிட்டு, விசாரணையை ஒத்திவைத்தாா்.