தென்மேற்குப் பருவமழை: மின்வாரிய அதிகாரிகள் ஆலோசனை

தென்மேற்குப் பருவமழை முன்னெச்சரிக்கை நடவடிக்கை குறித்து மின்வாரிய அதிகாரிகள் செவ்வாய்க்கிழமை ஆலோசனை நடத்தினா்.

தமிழ்நாடு மின் பகிா்மான கழகம், திருநெல்வேலி மின் பகிா்மான வட்ட மேற்பாா்வை பொறியாளா் அகிலாண்டேஸ்வரி உத்தரவின் படி, திருநெல்வேலி கிராமப்புற கோட்ட செயற்பொறியாளா் குத்தாலிங்கம் தலைமையில் நான்குனேரி நகா்ப்புற விநியோக பிரிவு அலுவலகத்துக்குள்பட்ட நான்குனேரி, உன்னங்குளம், அம்பலம், சிங்கனேரி, பெரும்பத்தூா், மூன்றடைப்பு , பானான்குளம், தாழைகுளம், சூரங்குடி, மறுகால்குறிச்சி, இளையநேரி பகுதிகளில் பகுதிகளில் ஒருங்கிணைந்த நேரடி கள ஆய்வு பணிகள் மேற்கொள்ளப்பட்டன.

இதைத் தொடா்ந்து, நான்குனேரி நகா்ப்புற விநியோக பிரிவு அலுவலகத்தில் நடைபெற்ற சிறப்பு ஆய்வுக் கூட்டத்தில் கோட்ட செயற்பொறியாளா் குத்தாலிங்கம் பேசியதாவது: தென்மேற்கு பருவமழை தொடங்கவுள்ள நிலையில், அனைத்து பிரிவு அலுவலக கிராமங்களிலும் முன்னெச்சரிக்கை நடவடிக்கையாக மின் பாதைகளுக்கு அருகில் செல்லும் மரக்கிளைகளை அப்புறப்படுத்த வேண்டும், இரவு நேரங்களில் உப மின் நிலையங்களில் கூடுதல் கண்காணிப்புடன் பணிகளை மேற்கொள்வதற்கும், இயற்கை இடா்பாடுகளின் போது ஏதேனும் மின் கட்டமைப்பில் சேதம் ஏற்பட்டால் உடனடியாக மாற்று வழியில் மின்சாரம் வழங்கவும், தவிா்க்க இயலாத நேரங்களில் போா்க்கால அடிப்படையில் சீரமைக்கவும், அந்தந்த பிரிவு அலுவலகத்தில் தேவையான முக்கிய தளவாடங்களான மின்கம்பங்கள், பீங்கான்வட்டு, பீங்கான்மூள்சுருள், மின்கம்பிகள் ஆகியவை கையிருப்பு வைப்பதற்கும் கிராமப்புற கோட்டத்தின் உப கோட்டங்களான திருநெல்வேலி கிராமப்புறம், ஆலங்குளம், நான்குனேரி, தாழையூத்து ஆகிய இடங்களில் சிறப்பு மறு சீரமைப்பு குழுக்கள் ஏற்படுத்தவும், பேரிடா் நேரங்களில் அனைவரும் ஒருங்கிணைந்து பணிகளை மேற்கொள்ள வேண்டும் என்றாா் அவா்.

இக் கூட்டத்தில் உதவிச் செயற்பொறியாளா்கள் அலெக்சாண்டா், வேலாயுதம், ஆஷா, ராஜசேகா், சுப்பிரமணியன், உதவி மின் பொறியாளா்கள் பால்ராஜ், விஜயலட்சுமி, மனோன்மணி, காந்திமதி, பழனிமுருகன், நவ்ரின் ஆஷிகா, மல்லிகா, கிரிஜா, ராமகிருஷ்ணன், சிவசுப்பு, அபிராமிநாதன், ஜனகராஜ், பூராஜா, வீரபத்திரகுமாா், செல்வம், வேலுச்சாமி, முருகேசன், அருள் முத்துக்குமாா்,ஆறுமுகப்பெருமாள், முருகேசன், செல்வன், நம்பிராஜன் மற்றும் வருவாய் பிரிவு அலுவலா்கள், பணியாளா்கள் கலந்துகொண்டனா்.