தோ்தல் பணிக்கு மாநகராட்சி அலுவலகம் வந்த ஓய்வு பெற்ற அரசு ஊழியா் மயங்கி விழுந்து உயிரிழந்தாா்.
ஈரோடு கிழக்கு தொகுதி இடைத்தோ்தலுக்கான வேட்புமனு தாக்கல் வெள்ளிக்கிழமை தொடங்கியது. இதற்காக தோ்தல் பணிகளில் அரசுத் துறை அலுவலா்கள் ஈடுபட்டுள்ளனா். இதில், நெடுஞ்சாலைத் துறையில் பணியாற்றி ஓய்வுபெற்ற சந்திரமோகன் (71) என்பவா், மாவட்ட ஆட்சியா் அலுவலகத்தில் உள்ள நிலம் எடுப்பு பிரிவில் ஒப்பந்தப் பணியாளராக வேலை பாா்த்து வந்தாா். அவா் தோ்தல் பணியில் ஈடுபட்டுள்ள அலுவலா் ஒருவருக்கு உதவியாளராகப் பணியில் இருந்தாா்.
இந்நிலையில், வெள்ளிக்கிழமை காலை வேட்புமனு தாக்கலுக்கான முன்னேற்பாட்டுப் பணிகள் நடைபெற்று வந்த நிலையில், ஈரோடு மாநகராட்சி அலுவலகத்துக்கு அலுவலருடன் வந்த சந்திரமோகன் காரில் இருந்து இறங்கி மாநகராட்சி அலுவலக கட்டடத்தை நோக்கி சென்றபோது மயங்கி விழுந்தாா்.
அங்கு இருந்தவா்கள் உடனடியாக அவரை மீட்டு ஆம்புலன்ஸ் மூலமாக ஈரோடு அரசு தலைமை மருத்துவமனையில் சோ்த்தனா். அங்கு சிகிச்சை பெற்று வந்த சந்திரமோகன் சற்று நேரத்தில் உயிரிழந்தாா். மாரடைப்பால் அவா் உயிரிழந்ததாக மருத்துவா்கள் தெரிவித்தனா்.
.jpeg)
