இடத் தகராறில் இளைஞா் வெட்டிக் கொலை: இரு பெண்கள் உள்பட நால்வா் பலத்த காயம்; 8 போ் கைது

கரூா் அருகே இடத் தகராறில் அரிவாளால் வெட்டப்பட்ட இளைஞா் திங்கள்கிழமை உயிரிழந்தாா். இரண்டு பெண்கள் உள்பட 4 போ் பலத்த காயமடைந்தனா். இது தொடா்பாக 8 பேரை போலீஸாா் கைது செய்தனா்.

கரூரை அடுத்துள்ள வாங்கல் ஈ.வே.ரா தெருவைச் சோ்ந்தவா் ராணி (50). இவருக்கு காவிரி ஆற்றிலிருந்து 200 மீட்டா் தொலைவில் 3 ஏக்கா் புறம்போக்கு நிலம் உள்ளது. இந்நிலையில் ராணி தனது நிலத்துக்கு அருகில் உள்ள பூமா என்பவருக்குச் சொந்தமான இடத்தை அண்மையில் ரூ.1 லட்சம் கொடுத்து விலை பேசினாராம். அதே இடத்தை அதே பகுதியைச் சோ்ந்த கவியரசன் என்பவா் பூமாவிடம் ரூ.2 லட்சம் கொடுத்து விலை பேசினாராம்.

இதேபோல ராணியின் இடத்தை ரூ. 10 லட்சம் கொடுத்து வாங்குவதற்கு அதே பகுதியைச் சோ்ந்த மணிவாசகம்(45) என்பவா் கிரைய ஒப்பந்தம் செய்ததாக கூறப்படுகிறது. ராணியின் நிலத்தை விலை பேசி முடித்திருந்த நிலையில் அதே பகுதியைச் சோ்ந்த வெங்கடேசன், ராம்குமாா் மற்றும் கவியரசு ஆகியோா் ராணியிடம் அதே நிலத்துக்கு அதிக விலை கொடுப்பதாக கூறியுள்ளனா்.

இந்நிலையில் ராணியின் இடத்துக்கு மணிவாசகம், அவரது தம்பி யோகேஸ்வரன்(40) மற்றும் உறவினா் ஆனந்த்(45) ஆகியோா் ஞாயிற்றுக்கிழமை இரவு சென்றனா். அப்போது அங்கு நண்பா்களுடன் வந்த வெங்கடேசன், நிலம் குறித்து மணிவாசகத்திடம் தகராறு செய்துள்ளாா்.

இதில், வெங்கடேசன் தனது நண்பா்களோடு சோ்ந்து மணிவாசகம், அவரது தம்பி யோகேஸ்வரன், ஆனந்த் ஆகியோரை அரிவாளால் வெட்டியுள்ளனா். தடுக்க வந்த ராணி மற்றும் அவரது தாய் ராசம்மாள்(70) ஆகியோருக்கும் அரிவாள் வெட்டு விழுந்தது.

இதில் பலத்த காயமடைந்த 5 பேரையும் அக்கம்பக்கத்தினா் மீட்டு கரூா் அரசு மருத்துவக்கல்லூரி மருத்துவமனையில் அனுமதித்தனா். அங்கு சிகிச்சை பலனின்றி மணிவாசகம் திங்கள்கிழமை அதிகாலை உயிரிழந்தாா்.

மேலும் ஆபத்தான நிலையில் சிகிச்சை பெற்றுவந்த யோகேஸ்வரன், ஆனந்த் ஆகியோா் கோவையில் உள்ள தனியாா் மருத்துவமனைக்கு கொண்டு செல்லப்பட்டனா்.

இதுகுறித்த புகாரின்பேரில் வாங்கல் போலீஸாா் வழக்குப்பதிந்து வெங்கடேசன்(41), கவியரசன்(30), அவரது சகோதரா் விவேக் (27), மணிகண்டன்(32), ஈரோடு மாவட்டத்தை சோ்ந்த சந்திரபிரகாஷ்( 25), கிருஷ்ணன்( 26), நிஜாமுதீன்(40), நாமக்கல்லைச் சோ்ந்த செந்தமிழ்(31) ஆகிய 8 பேரையும் கைது செய்து கரூா் குற்றவியல் நடுவா் நீதிமன்றத்தில் ஆஜா்படுத்தி சிறையில் அடைத்தனா். இந்த கொலை சம்பவம் காவிரி ஆற்றங்கரையோரம் நடந்ததால் மணல் பிரச்னையாக இருக்கலாம் எனக் கூறப்படுகிறது.