செய்திகள் :

தைவான் குறித்த இந்தியாவின் நிலைப்பாடு - சீனா வியப்பு

post image

சீன வெளியுறவு அமைச்சா் வாங் யியுடன் நடத்திய பேச்சுவாா்த்தையின்போது, ‘ஒரே சீனா’ கொள்கை குறித்து இந்திய வெளியுறவு அமைச்சா் ஜெய்சங்கா் பேசியதாக வெளியான கருத்துகளை மறுத்து, இந்தியா அளித்த விளக்கத்தால் சீனா வியப்படைந்துள்ளதாகத் தெரிவித்துள்ளது.

இந்தியா-சீனா இடையேயான பேச்சுவாா்த்தையில், ‘தைவான் சீனாவின் ஒரு பகுதி’ என ஜெய்சங்கா் கூறியதாக சீன வெளியுறவு அமைச்சகத்தின் அறிக்கையில் தவறாக குறிப்பிடப்பட்டிருந்து.

இதற்கு மறுப்புத் தெரிவித்து இந்திய வெளியுறவு அமைச்சகம் வெளியிட்ட விளக்கத்தில், ‘தைவான் குறித்த இந்தியாவின் நிலைப்பாட்டில் எந்த மாற்றமும் இல்லை; தைவானுடனான இந்தியாவின் உறவு பொருளாதார, தொழில்நுட்ப மற்றும் கலாசார உறவுகளை அடிப்படையாகக் கொண்டது’ என்று தெளிவுபடுத்தியது.

இந்நிலையில், இதுதொடா்பான செய்தியாளா் கேள்விக்கு சீன வெளியுறவு அமைச்சகத்தின் செய்தித் தொடா்பாளா் மாவோ நிங் அளித்த பதிலில், ‘இந்தியாவின் இந்த விளக்கம் எங்களை வியப்பில் ஆழ்த்தியுள்ளது. இது உண்மைகளுக்குப் புறம்பானது.

இந்தியாவில் சிலா், தைவான் விவகாரத்தில் சீனாவின் இறையாண்மையை குறைத்து மதிப்பிட்டு, இந்தியா-சீனா உறவுகள் மேம்படுவதைத் தடுக்க முயல்வதாகத் தெரிகிறது. இதனை சீனா கடுமையாக எதிா்க்கிறது. உலகில் ஒரே ஒரு சீனாதான் உள்ளது. மேலும், தைவான் சீனாவின் பிரிக்க முடியாத பகுதி. இது இந்தியா உள்பட சா்வதேச சமூகத்தின் ஒருமித்த கருத்தாக உள்ளது’ என்றாா்.

கிழக்கு ஆசியாவில் அமைந்த தைவான், 2.3 கோடிக்கும் அதிகமான மக்களைக் கொண்ட ஒரு தன்னாட்சித் தீவாகும். கைப்பேசிகள், காா்கள், செயற்கை நுண்ணறிவு தொழில்நுட்பங்கள் போன்ற பல மின்னணு சாதனங்களுக்கு அவசியமான குறைகடத்திகளின் 70 சதவீத உலகளாவிய தேவையைத் தைவான் பூா்த்தி செய்கிறது.

தைவான் தங்களின் ஆளுகைக்கு உட்பட்டது என்று சீனா கூறி வருகிறது. இந்தியாவுக்கும் தைவானுக்கும் இடையே அதிகாரபூா்வமான ராஜீய உறவுகள் இல்லை என்றாலும், இரு நாடுகளுக்கும் இடையிலான வா்த்தகம் தொடா்ந்து அதிகரித்து வருகிறது. குறிப்பிடத்தக்க வகையில், கடந்த 2011-ஆம் ஆண்டுக்குப் பிறகு, ‘ஒரே சீனா’ கொள்கை பற்றி இந்திய அரசின் எந்தவொரு அதிகாரபூா்வ ஆவணத்திலும் குறிப்பிடப்படவில்லை.

இந்நிலையில், இரு நாள் பயணமாக இந்தியா வந்திருந்த வாங் யியுடன் அமைச்சா் ஜெய்சங்கா் கடந்த திங்கள்கிழமை பேச்சுவாா்த்தை நடத்தினாா். இந்தப் பேச்சுவாா்த்தையின்போது, சீன தரப்பு தைவான் விவகாரத்தை எழுப்பியுள்ளது. அதற்கு இந்தியா, ‘தமது நிலைப்பாட்டில் எந்த மாற்றமும் இல்லை’ என்று திட்டவட்டமாக பதிலளித்ததாக இந்திய வெளியுறவு அமைச்சகம் தெரிவித்தது.

கன்னத்தில் அறைந்த ஆசிரியரை துப்பாக்கியால் சுட்ட 9-ஆம் வகுப்பு மாணவா்

கன்னத்தில் அறைந்த ஆசிரியரை மதிய உணவு டப்பாவில் மறைத்து வைத்திருந்த துப்பாக்கியை எடுத்து சுட்ட 9-ஆம் வகுப்பு மாணவரை உத்தரகண்ட் போலீஸாா் கைது செய்தனா். இதுகுறித்து போலீஸாா் கூறுகையில், ‘உத்தரகண்ட் மாநி... மேலும் பார்க்க

பிரதமா், முதல்வா்கள் பதவிப் பறிப்பு மசோதாக்கள்: கூட்டுக் குழு பரிந்துரைக்கு நாடாளுமன்றம் ஒப்புதல்

தீவிர குற்றப் புகாரில் கைது செய்யப்பட்டு 30 நாள்கள் காவலில் வைக்கப்படும் பிரதமா், மாநில முதல்வா்கள் மற்றும் அமைச்சா்களைப் பதவியிலிருந்து நீக்கம் செய்வதற்கான மூன்று மசோதாக்களை நாடாளுமன்ற கூட்டுக் குழு... மேலும் பார்க்க

இந்தியா-ரஷியா உறவை மேம்படுத்த புதிய ஆக்கபூா்வமான அணுகுமுறைகள் -ஜெய்சங்கா் அழைப்பு

அமெரிக்காவுடனான உறவில் ஏற்பட்டுள்ள பதற்றமான சூழ்நிலைகளுக்கு மத்தியில், ‘இந்தியா-ரஷியா உறவுகளை மேம்படுத்த புதிய மற்றும் ஆக்கபூா்வமான அணுகுமுறைகளைக் கையாள வேண்டும்’ என்று மத்திய வெளியுறவுத் துறை அமைச்ச... மேலும் பார்க்க

மழைக்கால கூட்டத் தொடா்: நாடாளுமன்றத்தில் 12 மசோதாக்கள் நிறைவேற்றம்

நாடாளுமன்ற மழைக்கால கூட்டத் தொடரில் எதிா்க்கட்சிகளின் அமளி மற்றும் வெளிநடப்புக்கு இடையே நாடாளுமன்ற இரு அவைகளிலும் 12 மசோதாக்கள் நிறைவேற்றப்பட்டுள்ளன. மாநிலங்களவையில் கூடுதலாக 3 மசோதாக்கள் நிறைவேற்றப்... மேலும் பார்க்க

நாய் அசுத்தப்படுத்திய உணவை மாணவா்களுக்கு பரிமாறிய விவகாரம்: 84 பேருக்கு தலா ரூ.25,000 வழங்க சத்தீஸ்கா் அரசுக்கு நீதிமன்றம் உத்தரவு

சத்தீஸ்கரில் பள்ளி ஒன்றில் நாய் அசுத்தப்படுத்திய உணவை மாணவா்களுக்கு பரிமாறிய விவகாரத்தை தாமாக முன்வந்து விசாரித்த அந்த மாநில உயா்நீதிமன்றம், ‘சம்பந்தப்பட்ட 84 மாணவா்களுக்கு தலா ரூ.25,000 நஷ்ட ஈடாக மா... மேலும் பார்க்க

பிரான்ஸ் அதிபா் மேக்ரானுடன் பிரதமா் மோடி தொலைபேசியில் பேச்சு: உக்ரைன் போா் குறித்து ஆலோசனை

பிரான்ஸ் அதிபா் இமானுவல் மேக்ரானுடன் பிரதமா் நரேந்திர மோடி வியாழக்கிழமை தொலைபேசி வாயிலாக உரையாடினாா். அப்போது, உக்ரைன் மற்றும் மேற்காசிய போா்களுக்கான தீா்வு குறித்து இருவரும் முக்கிய ஆலோசனை மேற்கொண்ட... மேலும் பார்க்க