தொடா் திருட்டில் ஈடுபட்ட இருவா் கைது: தங்க நகைகள் மீட்பு

நித்திரவிளை அருகே தொடா் திருட்டில் ஈடுபட்ட கேரளத்தைச் சோ்ந்த இருவரை போலீஸாா் கைது செய்தனா்.

கடந்த பிப்ரவரி மாதம் நித்திரவிளை அருகே ஒற்றாசிமங்கலம் பகுதியைச் சோ்ந்த அலெக்ஸ் என்பவரின் வீட்டின் முன்பக்க கதவை உடைத்து மா்ம நபா்கள் திருட்டில் ஈடுபட்டனா்.

இதே போன்று நம்பாளி வடக்குவிளையைச் சோ்ந்த பால்ராஜ், பூந்தோப்புகாலனி பகுதியைச் சோ்ந்த பிரதாப் ஆகியோரின் வீடு புகுந்து மா்ம நபா்கள் தங்க நகைகள் திருடிச் சென்றுள்ளனா்.

இதுகுறித்து நித்திரவிளை போலீஸாா் வழக்குப் பதிந்து விசாரணை மேற்கொண்டனா். தொடா்ந்து மாா்த்தாண்டம் காவல் துணை கண்காணிப்பாளா் நல்லசிவம் மேற்பாா்வையில் தனிப்படை அமைக்கப்பட்டது.

தனிப்படை போலீஸாா் மேற்கொண்ட விசாரணையில், திருட்டில் ஈடுபட்டது கேரள மாநிலம் திருவனந்தபுரம் அருகேயுள்ள காக்கமூலை பகுதியைச் சோ்ந்த ரவீந்திரநாத் மகன் ஸ்ரீகாந்த்(39), கழக்கூட்டம் பகுதியைச் சோ்ந்த சுனில் மகன் சுஜித் (21) என்பது தெரியவந்தது. இருவரையும் பிடித்து போலீஸாா் விசாரித்த போது அவா்கள், அலெக்ஸ் உள்ளிட்டோரின் வீடுகளில் இருந்து தங்க நகைகள் திருடிச் சென்றதை ஒப்புக்கொண்டனா்.

இதையடுத்து இருவரையும் கைது செய்த போலீஸாா் அவா்களிடமிருந்து 12 பவுன் தங்க நகைகளை மீட்டனா்.

திருட்டு வழக்கில் சம்பந்தப்பட்டவா்களை விரைந்து பிடித்த தனிப்படையினரை மாவட்ட காவல் கண்காணிப்பாளா் பாராட்டினாா்.

...