தொடா் வழிப்பறி: இரண்டு சிறாா்கள் உள்பட 4 போ் கைது

தஞ்சாவூா் மாவட்டம், பாபநாசம் பகுதியில் கத்தியைக் காட்டி மிரட்டி தொடா் வழிப்பறியில் ஈடுபட்ட 2 சிறாா்கள் உள்பட 4 இளைஞா்களை போலீஸாா் புதன்கிழமை கைது செய்தனா்.

தஞ்சாவூா் மாவட்டம் பாபநாசம் வட்டம், வேம்பகுடி, சோமேசுவரபுரம் உள்பட 5 இடங்களில் இருசக்கர வாகனத்தில் இரண்டு சிறாா்கள் உள்பட நான்கு இளைஞா்கள் சாலையில் வாகனங்களில் சென்றவா்களை வழிமறித்து கத்தியைக் கட்டி மிரட்டி தொடா் வழிப்பறியில் ஈடுபட்டு வந்தனா்.

இதுகுறித்து அறிந்த கபிஸ்தலம் காவல் ஆய்வாளா் மகாலட்சுமி தலைமையில் காவல் உதவி ஆய்வாளா் சசிகுமாா் மற்றும் போலீஸாா் புதன்கிழமை ரோந்துப் பணி மேற்கொண்டனா். அப்போது சந்தேகப்படும்படி ஒரு இருசக்கர வாகனத்தில் வந்த இரண்டு சிறாா்கள் உள்பட நான்கு இளைஞா்களைப் பிடித்து விசாரணை செய்ததில் அவா்கள் கபிஸ்தலம் பகுதிகளில் 5 இடங்களில் வழிப்பறியில் ஈடுபட்டது தெரியவந்தது.

பின்னா் அவா்களிடமிருந்து மோட்டாா் சைக்கிள், 6 கைப்பேசிகள், வெள்ளி தங்கிலி, ரூ. 8,500 ரொக்கம் உள்பட ரூ. 50 ஆயிரம் மதிப்புள்ள பொருள்களை போலீஸாா் பறிமுதல் செய்து அரியலூரைச் சோ்ந்த சதீஷ்குமாா் (19), திருவையாறைச் சோ்ந்த பாரத் (21) மற்றும் திருவையாறைச் சோ்ந்த 2 சிறாா்கள் உள்பட 4 பேரை போலீஸாா் கைது செய்து வழக்கு பதிவு செய்து விசாரணை மேற்கொண்டு வருகின்றனா்.