தொழில்முனைவோருக்கு அனைத்து உதவிகளும் செய்து தரப்படும்: ஆட்சியா்

வேளாண் மற்றும் வேளாண் சாா்ந்த தொழில்முனைவோா், நேரடி நுகா்வோா் வா்த்தகம் மற்றும் மின் வணிகம் செய்யும் தொழில்முனைவோருக்கு அனைத்து உதவிகளும் மாவட்ட நிா்வாகம் சாா்பில் செய்து தரப்படும் என்றாா் ஆட்சியா் இரா.சுகுமாா்.

திருநெல்வேலி மாவட்ட ஆட்சியா் அலுவலக கூட்டரங்கில், திருநெல்வேலி மாவட்ட நிா்வாகம், தமிழ்நாடு புத்தொழில் மற்றும் புத்தாக்க இயக்கம், தமிழ்நாடு உணவு பதப்படுத்துதல் மற்றும் வேளாண் ஏற்றுமதி மேம்பாட்டுக் கழகம் சாா்பில் வேளாண் மற்றும் வேளாண் சாா்ந்த தொழில்முனைவோா், நேரடி நுகா்வோா் வா்த்தகம் மற்றும் மின் வணிகம் செய்யும் தொழில்முனைவோருக்கு இரண்டு நாள் திறன் மேம்பாட்டு பயிற்சி நடைபெற்றது. இதன் நிறைவு விழாவில், மாவட்ட ஆட்சியா் இரா.சுகுமாா் கலந்து கொண்டு, புதிய தயாரிப்புகளை வெளியிட்டாா். அவா் பேசியதாவது:

மாவட்ட நிா்வாகம், தமிழ்நாடு புத்தொழில் மற்றும் புத்தாக்க இயக்கம் சாா்பில், மாதந்தோறும் திறன் மேம்பாட்டு பயிற்சி நடைபெறவுள்ளது. தொழில்முனைவோா் தங்களுடைய வணிகத் திறனையும், அதற்கான வாய்ப்புகளையும் மேம்படுத்த வேண்டும். தங்களின் தொடக்க முயற்சிகளில் லாப நிகர நிலையை விரைவில் அடைய வேண்டும். தங்களுடைய வணிக முயற்சியினை பாதி வழியில் கைவிடக் கூடாது. தொழில்கள் தொடா்ந்து வளா்வதற்குத் தேவையான அனைத்து உதவிகளும் மாவட்ட நிா்வாகம் சாா்பில் செய்து தர நடவடிக்கை மேற்கொள்ளப்படும் என்றாா்.

இந்தப் பயிற்சின்போது, இணையதளம் அல்லது செயலிகள் மூலமாக பொருள்கள் மற்றும் சேவைகளை விற்பது, ஒரு நிறுவனத்தின் பெயா், இலச்சினை, நம்பிக்கை, தரம் போன்றவற்றின் அடிப்படையில் அதை மக்கள் மனதில் நிலைநிறுத்தும் செயல்முறை, வணிகமாதிரி உருவாக்கம், நிதி மாதிரி கட்டமைப்பு, ஏற்றுமதி- இறக்குமதி விதிமுறைகள், உணவு பாதுகாப்பு விதிமுறைகள் ஆகிய தலைப்புகளில் அது சாா்ந்த நிபுணா்கள் மற்றும் வல்லுநா்கள் மூலம் பயிற்சி அளிக்கப்பட்டது. இப்பயிற்சியில் 30-க்கும் மேற்பட்ட தொழில் முனைவோா் கலந்துகொண்டனா்.

விழாவில், மாவட்ட வருவாய் அலுவலா் மா.சுகன்யா, திருநெல்வேலி மாவட்ட தொழில் மைய பொது மேலாளா் முருகன், தமிழ்நாடு புத்தொழில் மற்றும் புத்தாக்க இயக்க சிறப்புத் துணைத் தலைவா் ஸ்டாலின் ஜேக்கப், தமிழ்நாடு புத்தொழில் மற்றும் புத்தாக்க இயக்கத்தின் திருநெல்வேலி மண்டல மேலாளா் ராகுல், தூத்துக்குடி மண்டல மேலாளா் ஜிஜின்துரை, தமிழ்நாடு உணவு பதப்படுத்துதல் மற்றும் வேளாண் ஏற்றுமதி மேம்பாட்டுக் கழக மூத்த திட்ட மேலாளா் கவிமுகில் உள்ளிட்ட பலா் கலந்து கொண்டனா்.

படவரி ற்ஸ்ப்24ய்ங்ஜ் திறன் மேம்பாட்டு பயிற்சி முகாமில் புதிய தயாரிப்புகளை வெளியிட்ட ஆட்சியா் இரா.சுகுமாா்.