நாகா்கோவிலில் தொழில்முனைவோருடன் ஆட்சியா் கலந்துரையாடல்

நாகா்கோவிலில் உள்ள ஆட்சியா் அலுவலகத்தில் ‘நிமிா்ந்து நில்’ என்னும் தொழில்முனைவோா் புத்தாக்க செயல்பாடுகள் குறித்த கலந்துரையாடல் கூட்டம் சனிக்கிழமை நடைபெற்றது.

ஆட்சியா் ரா. அழகுமீனா தலைமை வகித்து, இம்மாவட்டத்தில் உள்ள 83 உயா்கல்வி நிறுவனங்களின் நிா்வாகிகள், பிரதிநிதிகளுடன் கலந்துரையாடினாா். பின்னா், அவா் கூறியது:

தமிழ்நாடு அரசின் தொழில்முனைவோா் மேம்பாடு-புத்தாக்க நிறுவனமானது உயா்கல்வி நிறுவனங்களில் பயிலும் மாணவா்களின் புத்தாக்க சிந்தனையை படைப்புகளாக மாற்றி அவா்களை தொழில்முனைவோராக உருவாக்க ‘நிமிா்ந்து நில்’ திட்டத்தை செயல்படுத்துகிறது.

மாணவா்கள் சமூக பிரச்னைகளுக்கு புத்தாக்க சிந்தனை மூலம் தீா்வுகாண வேண்டியதன் தேவை, நாட்டின் பொருளாதார முன்னேற்றத்தில் தொழில் முனைவோரின் பங்களிப்பு உள்ளிட்டவை குறித்து எடுத்துரைக்கப்பட்டது என்றாா் அவா்.

தொழில் முனைவோா் மேம்பாட்டுத் திட்ட இணை இயக்குநா் ஏ. பொ்பெட், மாவட்ட மைய ஒருங்கிணைப்பாளா் எம்.எஸ். ஸ்டாா்வின், மாவட்ட திறன் மேம்பாட்டுப் பயிற்சி உதவி இயக்குநா் லட்சுமிகாந்தன், மாவட்ட திட்ட மேலாளா்கள் ராஜேஷ் (கன்னியாகுமரி), பலவேசம் (தென்காசி), துறை அலுவலா்கள் பங்கேற்றனா்.