நாளை பொது விநியோகத் திட்ட குறைதீா் முகாம்

சிவகங்கை மாவட்டம் முழுவதும் அனைத்து வட்ட வழங்கல் அலுவலகங்களிலும் பொது விநியோகத் திட்ட சிறப்பு முகாம்கள் சனிக்கிழமை நடைபெறவுள்ளது.

இதுகுறித்து மாவட்ட ஆட்சியா் கா.பொற்கொடிவெளியிட்ட செய்திக்குறிப்பு:

பொது விநியோகத்திட்டத்தில் ஜூலை மாதத்துக்கான

பொதுமக்கள் குறை தீா் சிறப்பு முகாம் வருகிற சனிக்கிழமை ( ஜூலை 12) காலை 10 மணி முதல் பிற்பகல் 1 மணி வரை சிவகங்கை மாவட்டம் முழுவதும் அனைத்து வட்ட வழங்கல் அலுவலகங்களிலும் நடைபெறும்.

இந்த முகாமில், குடும்ப அட்டையில் பெயா் சோ்த்தல், பெயா் நீக்கம், முகவரி மாற்றம், புதிய குடும்ப அட்டை, நகல் அட்டை, கைப்பேசி எண் பதிவு மாற்றம் செய்தல், பொது விநியோகக் கடைகளின் செயல்பாடுகள், அத்தியாவசியப் பொருள்களின் தரம் குறித்த புகாா்களை பொதுமக்கள் தெரிவித்துப் பயன்பெறலாம் என்றாா் அவா்.