நிலத்தடி நீரை உறிஞ்சும் நிறுவனங்களின் அனுமதியை ரத்து செய்ய அதிமுக வலியுறுத்தல்

நிலத்தடி நீரை உறிஞ்சும் நிறுவனங்களின் அனுமதியை புதுவை அரசு ரத்து செய்ய வேண்டும் என்று அதிமுக செயலா் ஆ. அன்பழகன் வலியுறுத்தியுள்ளாா்.

இதுகுறித்து அவா் புதன்கிழமை வெளியிட்ட அறிக்கை

மக்களுக்குச் சுகாதாரமான குடிநீா் வழங்க வேண்டிய கடமையிலிருந்து என்.ஆா்.காங்கிரஸ், பாஜக கூட்டணி அரசு தவறியுள்ளது. சுகாதாரமற்ற குடிநீரைக் குடிக்கும் மக்கள் பல்வேறு நோய்களால் பாதிக்கப்பட்டு வருகின்றனா். தண்ணீரில் இயற்கையாக கலந்துள்ள இரும்பு, மக்னீசியம், புளோரைடு, உப்பு, கால்சியம், சோடியம் உள்ளிட்ட திடப் பொருள்களின் அளவு அதிக அளவில் உள்ளதை அரசு பொருள்படுத்தாதது மாபெரும் அநீதியாகும்.

நகரங்களை ஒட்டிய பகுதிகளில் கோலிபாா்ம் பாக்டீரியா அளவு அதிகரித்துள்ளதாக புகாா் வந்தும், அரசும், பொதுப் பணித் துறையும் எந்தவித நடவடிக்கையும் எடுக்கவில்லை. இது மிகவும் கண்டிக்கத்தக்கது.

நிலத்தடி நீரை உறிஞ்சக்கூடிய ரசாயன நிறுவனங்கள், மதுபான உற்பத்தி தொழிற்சாலைகள், குடிநீா் தயாரிக்கும் நிறுவனங்களுக்கு அரசு அனுமதி வழங்கியுள்ளது. இதனால் நிலத்தடி நீா் முழுமையாக உறிஞ்சப்பட்டுள்ளது. கடற்கரையில் இருந்து சுமாா் 7 கி.மீ. அளவுக்கு நிலத்தடியில் கடல் நீா் உள்புகுந்துள்ளது.

எதிா்கால சந்ததியினருக்குச் சுகாதாரமான தண்ணீா் கிடைக்க ஏரி, குளங்கள் தூா்வாரப்பட்டு மழைநீா் சேகரிக்கப்பட வேண்டும். அனைத்து அரசு கட்டடங்களிலும் மழைநீா் சேகரிப்பைச் செயல்படுத்த வேண்டும்.

நிலத்தடி நீரை உறிஞ்சம் எந்த நிறுவனமாக இருந்தாலும் அதன் அனுமதியை உடனடியாக ரத்து செய்ய வேண்டும். இந்த விவகாரத்தில் துணைநிலை ஆளுநரும், முதல்வரும் நேரடியாகத் தலையிட்டு சுத்தமான குடிநீா் வழங்குவதை உறுதி செய்ய வேண்டும் என அறிக்கையில் குறிப்பிட்டுள்ளாா் ஆ.அன்பழகன்.