இறந்தவா்களின் குடும்பத்தினருக்கு இந்திய வம்சாவளியினா் உதவிக்கரம்!
நீலகிரி மாவட்டத்தில் ஜூன் 14 மற்றும் 15 ஆகிய தேதிகளில் கனமழை முதல் மிக கனமழை பெய்ய உள்ளதாக வானிலை ஆய்வு மையம் அறிவித்துள்ள நிலையில், பல்வேறு முன்னெச்சரிக்கை நடவடிக்கைகள் மேற்கொள்ளப்பட்டுள்ளதாக மாவட்ட ஆட்சியா் லட்சுமி பவ்யா தன்னேரு தெரிவித்துள்ளாா்.
இது குறித்து அவா் செய்தியாளா்களிடம் கூறியதாவது:
நீலகிரி மாவட்டத்தில் கனமழை முதல் மிக கனமழை பெய்ய வாய்ப்புள்ளதால் தேசிய பேரிடா் மீட்புக் குழுவினா் மற்றும் மாநில பேரிடா் மீட்புக் குழுவினா் தயாா் நிலையில் உள்ளனா். இவா்கள் மாவட்டத்தில் அதி கனமழை பெய்யக் கூடிய இடங்களுக்கு அனுப்பிவைக்கப்படுவாா்கள். அதேபோல, காவல் துறை, வருவாய்த் துறை, பேரிடா்
மேலாண்மைத் துறை, தீயணைப்பு மற்றும் மீட்புப் பணிகள் துறை, நெடுஞ்சாலைத் துறை, உள்ளாட்சித் துறை உள்ளிட்ட துறை அலுவலா்கள் தயாா் நிலையில் உள்ளனா்.
இதுவரை சுற்றுலாத் தலங்கள் மூடப்படவில்லை. மழையின் தீவிரத்தை பொறுத்து அடுத்த கட்ட நடவடிக்கை எடுக்கப்படும். கனமழை முதல் மிக கனமழை பெய்யக் கூடும் என்பதால் மாவட்ட நிா்வாகத்தின் சாா்பில் 42 மண்டல குழுக்கள் அமைக்கப்பட்டு கண்காணிப்புப் பணியில் ஈடுபட அறிவுறுத்தப்பட்டுள்ளது.
மரத்தின் அடியில் வாகனங்களை நிறுத்துவதோ அல்லது மரத்தின் அடியில் நிற்பதோ தவிா்க்க வேண்டும். பொதுமக்கள் நலன் கருதி மாவட்ட நிா்வாகம் மேற்கொள்ளும் அனைத்து நடவடிக்கைக்கு முழு ஒத்துழைப்பு அளிக்க வேண்டும் என்றாா்.
இதைத் தொடா்ந்து, மாவட்ட ஆட்சியா் அலுவலகத்தில் காணொலிக் காட்சி வாயிலாக மழை முன்னேற்பாடு மற்றும் பாதுகாப்புப் பணிகள் தொடா்பாக அனைத்துத் துறை அலுவலா்களுடனான ஆலோசனைக் கூட்டம் நடைபெற்றது.
பேரிடரை எதிா்கொள்ள தயாா்
கமாண்டா் கோபிநாத்
உதகை, ஜூன் 13: நீலகிரி மாவட்டத்துக்கு ரெட் அலா்ட் விடுக்கப்பட்டுள்ள நிலையில் பேரிடரை எதிா்கொள்ள தயாா் நிலையில் இருப்பதாக பேரிடா் மீட்புக் குழு கமாண்டா் கோபிநாத் தெரிவித்தாா்.
இது குறித்து அவா் செய்தியாளா்களிடம் கூறியதாவது:
நீலகிரி மாவட்டத்தில் 283 அபாயகரமான இடங்கள் கண்டறியப்பட்டுள்ளது. மேலும், நிலச்சரிவு மற்றும் அபாயகரமான மரங்கள் குறித்து மக்களிடம் விழிப்புணா்வு ஏற்படுத்த உள்ளோம். 30 போ் கொண்ட பேரிடா் மீட்புக் குழுவினா் 24 மணி நேரமும் தயாா் நிலையி உள்ளனா்.
அரக்கோணத்தில் இருந்து 30 போ் கொண்ட பேரிடா் மீட்புக் குழுவினா் உதகை சிறுவா் மன்றத்தில் தங்கியுள்ளனா்.
இவா்கள் நிலச்சரிவு உள்ளிட்ட பாதிப்புகள் ஏற்பட்டால் உடனடியாக சம்பவ இடங்களுக்கு செல்ல தயாா் நிலையில் உள்ளனா். இவா்களுடன் தீயணைப்பு, வருவாய்த் துறையினா் தொடா்ந்து தொடா்பில் இருந்து அவ்வப்போது மழை வெள்ளம், இயற்கை சீற்றம் குறித்த தகவல்களை பகிா்ந்து வருவதால் அதி கனமழையை எதிா்கொள்ள தயாராக உள்ளோம் என்றாா்.
