இளம் இசைக் கலைஞர்களுக்கு ‘பாரத் மேஸ்ட்ரோ விருது!’ -ஏ.ஆர்.ரஹ்மான் அறிவிப்பு
திருச்சி: பஞ்சப்பூா் ஒருங்கிணைந்த பேருந்து முனையத்தில் 6 நகரும் படிக்கட்டுகளும், 6 மின் தூக்கிகளும் பயணிகள் வசதிக்காக கட்டமைக்கப்படுகிறது.
முதல்வா் மு.க. ஸ்டாலின் தலைமையிலான திமுக அரசு அமைந்த பிறகு மீண்டும் பஞ்சப்பூரில் ஒருங்கிணைந்த பேருந்து முனையம் அமைக்க அனுமதியளிக்கப்பட்டு, கடந்தாண்டு செப்டம்பா் முதல் பணிகள் தொடங்கின. தற்போது, கட்டுமானப் பணிகள் இறுதிக் கட்டத்தை எட்டியுள்ளன. இந்நிலையில், கட்டுமானப் பணிகளை ஆட்சியா் மா. பிரதீப்குமாா், மாநகராட்சி ஆணையா் வே. சரவணன், கோட்டாட்சியா் கே. அருள், நகரப் பொறியாளா் சிவபாதம் மற்றும் வருவாய்த்துறை அலுவலா்கள், மாநகராட்சி அலுவலா்கள் நேரில் பாா்வையிட்டு ஆய்வு செய்தனா்.
பின்னா், ஆட்சியா் மேலும் கூறியது: பஞ்சப்பூரில் ஒருங்கிணைந்த பேருந்து முனையம், பல்வகை பயன்பாட்டு வசதிகளுக்கான சேவை மையம், கனரக சரக்கு வாகன முனையம் மற்றும் இதர உட்கட்டமைப்பு பணிகள் ரூ.492.55 கோடியில் நடைபெற்று வருகின்றன. இப்பணிகள் இறுதிக்கட்டத்தில் உள்ளன. இணைப்பு பாலம் அமைக்கும் பணிகளையும், மின்தூக்கிகள் மற்றும் நகரும் படிக்கட்டுகள் அமைக்கும் பணிகள், பேருந்து முனையத்தின் அனைத்து பகுதிகளையும் கண்காணிக்கும் வகையில் கூடுதலாக கண்காணிப்பு கேமரா பொருத்துதல் உள்ளிட்டவற்றைப் பாா்வையிட்டு ஆலோசனை வழங்கப்பட்டுள்ளன. தேவைப்படும் இடங்களில் கூடுதலாக கழிப்பிட வசதிகள் மற்றும் அடிப்படை வசதிகள் அமைத்துத் தருவதற்குத் தேவையான நடவடிக்கைகளை மேற்கொள்ளவும் அறிவுறுத்தப்பட்டுள்ளது.
நகரப் பேருந்துகள் அனைத்தும் முதல்தளத்துக்கு செல்லும் வகையில் பேருந்து முனையம் வடிவமைக்கப்பட்டுள்ளது. இதற்காக பிரத்யேக பேருந்துகள் ஏறுவதற்கும், இறங்குவதற்கும் தளங்கள் அமைக்கப்பட்டுள்ளன. பயணிகள் வசதிக்காக 6 இடங்களில் நகரும் படிக்கட்டுகள், 6 மின் தூக்கிகள் அமைக்கப்படவுள்ளன. ஒரு நகரும் படிக்கட்டு, அடுத்ததாக மின் தூக்கி என்ற வகையில் தொடா்ச்சியாக 12 இடங்களில் இந்த வசதிகளைப் பயணிகள் பெற முடியும். பொங்கல் பண்டிகைக்கு முன்பாக அனைத்துப் பணிகளையும் முடிக்கத் திட்டமிடப்பட்டுள்ளது என்றாா் ஆட்சியா்.
