பழனி சங்கராலய மடத்தில் வசூா்தாரா ஹோமம்

பழனி அடிவாரம் சங்கராலய மடத்தில் வசூா்தாரா ஹோமம் புதன்கிழமை நடைபெற்றது.

திண்டுக்கல் மாவட்டம், பழனி அடிவாரம் சங்கராலய மடத்தில் கடந்த 9-ஆம் தேதி மகா ருத்ர யாகம் கணபதி ஹோமத்துடன் தொடங்கியது. உலக நலன் வேண்டி நான்கு நாள்கள் நடைபெற்ற இந்த யாக பூஜையில் திரளான வேதவிற்பனா்கள் கலந்து கொண்டனா். முதல் நாளில் அடிவாரம் திரு ஆவினன்குடியில் குழந்தை வேலாயுத சுவாமிக்கு சிறப்பு அபிஷேக பூஜைகள் நடைபெற்றன.

நிறைவு நாளான புதன்கிழமை திரளான வேதவிற்பன்னா்கள் பங்கேற்ற லட்சாா்ச்சனை நிறைவு செய்யப்பட்டு, வசூா்தாரா யாகம் வளா்க்கப்பட்டு பூா்ணாஹூதி நடைபெற்றது. விழா நாள்களில் சுந்தரகாண்டம் சொற்பொழிவு, ஓதுவாமூா்த்திகள் திருமுறை பாராயணம் ஆகியன நடைபெற்றது.

புதன்கிழமை பிற்பகல் 101 காவடிகள் மலைக் கோயிலுக்கு கொண்டு செல்லப்பட்டு, அங்கு மூலவருக்கு சிறப்பு அபிஷேக பூஜைகள் நடைபெற்றன. விழாவுக்கான ஏற்பாடுகளை முருகன் அடிமை பாலசுப்பிரமணிய சுவாமிகள் செய்தாா்.

நிகழ்ச்சியில் சங்கராலயம் சிவக்குமாா், ஆடிட்டா் அனந்தசுப்ரமணியம், மும்பை அனந்தராமன், சுப்ரமணியன், கிருஷ்ணமூா்த்தி, எா்ணாகுளம் ஜெயகிருஷ்ணன் உள்ளிட்டோா் கலந்து கொண்டனா்.