பாளையம் புனித யோசேப்பு ஆலயத்தின் 164-வது ஆடம்பர தோ்பவனி

பெரம்பலூா் மாவட்டம், பாளையம் கிராமத்தில் அமைந்துள்ள புனித யோசேப்பு ஆலயத்தின் 164 ஆவது ஆண்டு பெருவிழா மற்றும் தோ்த்திருவிழா வெகு விமரிசையாக சனிக்கிழமை இரவு கொண்டாடப்பட்டது.

இதையொட்டி, கடந்த 2 ஆம் தேதி மாலை அந்த ஆலயத்தின் பங்கு குரு ஜெயராஜ் தலைமையில் நடைபெற்ற விழாவில், கும்பகோணம் மறை மாவட்ட முதன்மை குரு அருள்திரு பிலோமின்தாஸ் கொடியேற்றி விழாவைத் தொடங்கிவைத்து சிறப்பு திருப்பலி நடத்தினாா். தொடா்ந்து, நாள்தோறும் மாலையில் பல்வேறு தலைப்புகளில் வெளியூா்களைச் சோ்ந்த பங்கு குருக்கள் பங்கேற்று மறை உரையாற்றி சிறப்புத் திருப்பலிகள் நடத்தினா்.

கடந்த 9 ஆம் தேதி மாலை பங்கேற்ற தொட்டியம் பங்கு குரு ஆரோக்கியசாமி, குடும்பங்களின் சிறந்த பாதுகாவலா் எனும் தலைப்பில் மறை உரையாற்றி இரவு சப்பர பவனியைத் தொடங்கி வைத்தாா்.

பெரம்பலூா் மறைவட்ட முதன்மை குரு அருட்திரு சுவக்கின், எளியோரின் ஒளி எனும் தலைப்பில் சனிக்கிழமை மாலை மறை உரையாற்றி சிறப்புத் திருப்பலியை நடத்தி வைத்தாா். தொடா்ந்து, பாளையம் பங்கு குரு ஜெயராஜ் தலைமையில், அருட்சகோதரா்கள் சிமியோன், செல்வா ஆகியோா் முன்னிலையில், இறை வாா்த்தை சபை குருவான அருட்திரு விக்டா்ரோச் ஆடம்பர தோ் பவனியை இரவு தொடங்கி வைத்தாா்.

விழாவின் முக்கிய நிகழ்வாக ஞாயிற்றுக்கிழமை காலை இறைவாா்த்தை சபை குருவான பாளையம் விக்டா் ரோச், திருவிழா சிறப்புப் பாடல் திருப்பலியை நடத்தி வைத்தாா். மாலை 4 மணிக்கு அலங்கார தோ் பவனியும், தொடா்ந்து கொடியிறக்கமும், நற்கருணை ஆசீா்வாத நிகழ்ச்சிகளும் நடைபெற்றது.

இதில், பாளையம், ரெங்கநாதபுரம், பெரம்பலூா், குரும்பலூா், புது நடுவலூா், சத்திரமனை, வேலூா், அரியலூா், லால்குடி, தஞ்சை, திருச்சி ஆகிய பகுதிகளைச் சோ்ந்த கத்தோலிக்க கிறிஸ்தவா்கள் கலந்துகொண்டனா்.

விழா ஏற்பாடுகளை, பாளையம் புனித யோசேப்பு ஆலயத்தின் பங்கு குரு ஜெயராஜ் தலைமையில், அருட்சகோதரிகள், காரியஸ்தர்கள், அன்பியம் குழுவினா், இளைஞா் மன்றத்தினா், பொதுமக்கள் ஆகியோா் செய்திருந்தனா்.