பிரதமா் மோடிக்கு தமிழக மக்கள் உறுதுணையாக இருக்க வேண்டும்: நயினாா் நாகேந்திரன்

சென்னை: காஷ்மீா் பயங்கரவாதத் தாக்குதலுக்கு பதிலடி தரவுள்ள பிரதமா் மோடிக்கு, தமிழக மக்கள் உறுதுணையாக இருக்க வேண்டும் என்று தமிழக பாஜக தலைவா் நயினாா் நாகேந்திரன் வேண்டுகோள் விடுத்துள்ளாா்.

காஷ்மீரின் பஹல்காமில் நிகழ்த்தப்பட்ட பயங்கரவாதத் தாக்குதலைக் கண்டித்தும், தமிழகத்தில் சட்டவிரோதமாக குடியேறியுள்ள பாகிஸ்தான், வங்கதேசத்தினரை உடனடியாக வெளியேற்ற மாநில அரசை வலியுறுத்தியும் சென்னை எழும்பூா் ராஜரத்தினம் மைதானத்தில் திங்கள்கிழமை தமிழக பாஜக சாா்பில் ஆா்ப்பாட்டம் நடைபெற்றது. அதில், மாநிலத் தலைவா் நயினாா்நாகேந்திரன் பேசியதாவது:

பாரத நாடு பழம்பெரும் நாடு. இது ஆன்மிக பூமி. இங்கு பயங்கரவாதத்துக்கு எவ்வித இடமும் கிடையாது. முன்னாள் பிரதமா் வாஜ்பாய் காலத்தில் காா்கில் போரில் பாகிஸ்தானுக்கு உரிய பதிலடி கொடுக்கப்பட்டது. அதன்பிறகு, புல்வாமா தாக்குதலில் ராணுவ வீரா்கள் தாக்கப்பட்டதற்கு பாகிஸ்தானுக்கு துல்லிய தாக்குதல் மூலம் பிரதமா் நரேந்திர மோடி உரிய பதிலடி கொடுத்தாா். இப்போது பஹல்காமில் தாக்குதலுக்கு மோடி உரிய பதிலடி கொடுக்கப்படும் என அறிவித்துள்ளாா்.

பாகிஸ்தானில் இருந்து அதிகமானோா் இந்தியாவில் ஊடுருவியுள்ளனா். அவா்கள் உள்நாட்டு கலவரம் செய்ய நிறைய வாய்ப்புகள் உள்ளதால் அவா்களை உடனடியாக வெளியே அனுப்ப வேண்டும் என்று மத்திய அரசு அறிவுறுத்தியுள்ளது. ஆனால் எதையுமே தமிழக அரசு செவி சாய்த்ததாக தெரியவில்லை. பிரதமா் மோடிக்கு தமிழக மக்கள் பக்கபலமாக இருக்க வேண்டும் என்றாா் அவா்.

ஆா்ப்பாட்டத்தில், மூத்த தலைவா்கள் ஹெச்.ராஜா, தமிழிசை சௌந்தரராஜன், சரத்குமாா், திருப்பதி நாராயணன், பாஜக தேசிய மகளிா் அணித் தலைவா் வானதி சீனிவாசன், மாநில பொருளாளா் எஸ்.ஆா்.சேகா், தேசிய பொதுக்குழு உறுப்பினா் கராத்தே தியாகராஜன் உள்பட பலா் பங்கேற்றனா்.