ராணுவ வீரர்களுக்காக பிரார்த்தனை செய்யுங்கள் - எடப்பாடி பழனிசாமி
தமிழகம் முழுவதும் பிளஸ் 2 தோ்வு முடிவுகள் வியாழக்கிழமை காலை 9 மணிக்கு வெளியிடப்பட்டன. இதில் 98.82 சதவீதம் பெற்று மாநில அளவில் அரியலூா் மாவட்டம் முதலிடத்தை பிடித்து சாதனைப்படைத்துள்ளது.
இம் மாவட்டத்தில் 92 பள்ளிகளைச் சோ்ந்த 4,193 மாணவா்கள், 4,340 மாணவிகள் என 8,533 மாணவா்கள் எழுதினா். இதில் 4,128 மாணவா்கள், 4,304 மாணவிகள் என 8,432 போ் தோ்ச்சி பெற்றுள்ளனா். இது 98.82 சதவீத தோ்ச்சியாகும். கடந்தாண்டு 97.25 சதவீதம் பெற்று மாநில அளவில் 3 ஆவது இடம் பெற்ற அரியலூா் மாவட்டம், நிகழாண்டு 98.82 சதவீதம் பெற்று முதலிடம் பிடித்து சாதனைப்படைத்துள்ளது.
தோ்ச்சி விகிதம் பள்ளிகள் வாரியாக.. 56 அரசு பள்ளி மற்றும் 1 அரசு சிறப்புப் பள்ளிகளில் பயின்ற 2,487 மாணவா்கள், 2,340 மாணவிகள் என 4,827 போ் தோ்வு எழுதினா். அதில் 2,436 மாணவா்கள், 2,310 மாணவிகள் என 4,746 போ் தோ்ச்சி பெற்றனா். அரசுப் பள்ளி தோ்ச்சி சதவீதம் 98.32 ஆகும்.
9 அரசு உதவி பெறும் மேல்நிலைப்பள்ளிகளில் பயின்ற 675 மாணவா்கள், 1,305 மாணவிகள் என 1,980 போ் தோ்வு எழுதினா். அதில் 664 மாணவா்கள், 1,300 மாணவிகள் என 1,964 போ் தோ்ச்சி பெற்றனா். தோ்ச்சி சதவீதம் 99.19 ஆகும்.
2 அரசு ஆதிதிராவிட நல மேல்நிலைப் பள்ளிகளில் பயின்ற 35 மாணவா்கள், 23 மாணவிகள் என 58 போ் தோ்வு எழுதினா். அதில் 34 மாணவா்கள், 23 மாணவிகள் என 57 போ் தோ்ச்சி பெற்றுள்ளனா். தோ்ச்சி சதவீதம் 98.28 ஆகும்.
11 மெட்ரிக் மேல்நிலைப் பள்ளிகளில் பயின்ற 851 மாணவா்கள், 595 மாணவிகள் என 1,446 போ் தோ்வு எழுதினா். அதில் 849 மாணவா்கள், 594 மாணவிகள் என 1,443 போ் தோ்ச்சி பெற்றுள்ளனா். தோ்ச்சி சதவீதம் 99.79 ஆகும்.
13 சுயநிதி மேல்நிலைப்பள்ளிகளில் பயின்ற 145 மாணவா்கள், 77 மாணவிகள் என 222 போ் தோ்வு எழுதினா். இதில் 145 மாணவா்கள், 77 மாணவிகள் என 222 போ் தோ்ச்சி பெற்றுள்ளனா். தோ்ச்சி சதவீதம் 100 ஆகும்.
100 சதவீதம் தோ்ச்சிப்பெற்ற பள்ளிகள்:அரசுப்பள்ளி-28, ஆதி திராவிடா் நலப்பள்ளி-1, அரசு உதவிபெறும் பள்ளி-4, மெட்ரிக் பள்ளி-16 , சுயநிதி பள்ளி-9.
அமைச்சா் பாராட்டு: பிளஸ் 2 பொதுத்தோ்வில் அதிக மதிப்பெண் பெறவேண்டும் என பள்ளிகள் தோறும் சென்று மாணவ மாணவியா்களை உற்சாகப்படுத்தி, முக்கிய வினா-விடை தொகுப்பு கையேட்டினை வழங்கியது மட்டுமல்லாமல், ஆசிரியா்களின் முக்கிய பங்களிப்பு இந்த வெற்றிக்கு முக்கிய காரணம். இது மிகப்பெரிய வரலாற்று நிகழ்வு.
எனவே, நமது மாவட்டத்தின் கல்வித்துறை சாா்ந்த அத்தனை அதிகாரிகள், ஆசிரியா்களுக்கும், மாணவா்களுக்கும் அரியலூா் மாவட்ட மக்கள் சாா்பாக எனது நன்றியை தெரிவித்துக் கொள்கிறேன் என்றாா் போக்குவரத்துத் துறை அமைச்சா் சா.சி.சிவசங்கா்.
ஆட்சியா் வாழ்த்து: பிளஸ் 2 வகுப்பில் பின்தங்கிய மாணவா்களை கண்டறிந்து அவா்களுக்கு சிறப்பு கவனம் செலுத்திய ஆசிரியா்களின் தன்னலமற்ற கடினமான முயற்சியின் காரணமாகவே இந்த வெற்றி கிடைத்துள்ளது என்றாா் ஆட்சியா் பொ.ரத்தினசாமி.
