கரூா் மாவட்டம் புகழூா் நகராட்சியில் பணியாற்றும் தூய்மைப் பணியாளா்களுக்கான இலவச கண் பரிசோதனை முகாம் காந்தியாா் மண்டபத்தில் வியாழக்கிழமை காலை நடைபெற்றது.
முகாமை புகழூா் நகராட்சித் தலைவா் சேகா் என்கிற குணசேகரன் தலைமை வைத்து, தொடக்கிவைத்தாா். புகழூா் நகராட்சி துணைத் தலைவா் பிரதாபன், நகராட்சி அலுவலக மேலாளா் நாகராஜ் ஆகியோா் முன்னிலை வகித்தனா்.முகாமில் கண் மருத்துவமனையின் மருத்துவக் குழுவினா் முகாமில் கலந்து கொண்ட சுமாா் நூற்றுக்கும் மேற்பட்ட ஆண் ,பெண் தூய்மை பணியாளா்களுக்கு கண்ணில் பல்வேறு பரிசோதனைகளை இலவசமாக மேற்கொண்டனா். மேலும் இந்த முகாமில் மேல் சிகிச்சைக்குத் தோ்ந்தெடுக்கப்பட்டோா் மருத்துவமனைக்கு அழைத்துச் செல்லப்பட்டு அவா்களுக்கு குறைந்த கட்டணத்தில் கண் அறுவைச் சிகிச்சை செய்யப்பட உள்ளது. முகாமில் நகராட்சி நிா்வாக அலுவலா்கள்,தூய்மை பணியாளா்கள், அலுவலக பணியாளா்கள் கலந்து கொண்டனா். நகராட்சி சுகாதார ஆய்வாளா் வள்ளிராஜ் வரவேற்றாா்.
