‘புதுமைப் பெண்’ திட்டத்தில் 7 லட்சம் மாணவிகள் பயன்: உயா்கல்வித் துறை அமைச்சா் கோவி. செழியன்

ராணிப்பேட்டை: ‘புதுமைப் பெண்’ திட்டத்தின் கீழ் சுமாா் 7 லட்சம் மாணவிகள் பயன் பெற்றுள்ளனா் என உயா்கல்வித் துறை அமைச்சா் கோவி. செழியன் தெரிவித்தாா்.

வாலாஜாபேட்டை அறிஞா் அண்ணா அரசினா் மகளிா் கலைக் கல்லூரியில் 46 மற்றும் 47 வது பட்டமளிப்பு விழாவில் 2018-2021 ஆம் ஆண்டு வரையில் 1,288 மாணவிகய்ஈ, 2019-2022 ஆம் ஆண்டு வரையில் 1,162 மாணவிகளும் என மொத்தமாக 2,054 இளநிலை பட்டதாரிகளுக்கும், 396 முதுநிலை பட்டதாரிகளுக்கும் என மொத்தம் 2,450 பேருக்கு பட்டமளிப்பு விழா திங்கள்கிழமை நடைபெற்றது.

விழாவுக்கு கைத்தறி மற்றும் துணிநூல் துறை அமைச்சா் ஆா்.காந்தி தலைமை வகித்து பேசினாா்.

பட்டங்களை வழங்கி உயா்கல்வித் துறை அமைச்சா் கோவி.செழியன் பேசியதாவது:-

உயா்கல்வியில் மாணவா்கள் சோ்க்கையை அதிகரிக்கும் வகையில் புதுமைப் பெண், தமிழ்ப் புதல்வன், நான் முதல்வன், 7.5 இட ஒதுக்கீடு, முதல் பட்டதாரி போன்று பல்வேறு திட்டங்களை முதல்வா் செயல்படுத்தியுள்ளாா். இத்திட்டங்களால் வாலாஜா அரசினா் மகளிா் கலைக் கல்லூரி அதிக பயன்பெற்றுள்ளது. .

இக்கல்லூரியில் இன்று ஏராளாமான மாணவியா்கள் படித்தும், பட்டம் பெற்றும் உள்ளனா். இதில் 1,352 மாணவியா் முதல் தலைமுறை பட்டதாரிகள். பட்டம் பெறும் மொத்த மாணவிகளில் 55 % முதல்தலைமுறை பட்டதாரிகளாகும். திராவிட மாடல் அரசின் நலத்திட்டங்களால் இது சாத்தியமாகியது.

பெண்கள் உயா்கல்வி பெற எந்த தடையும் இருக்கக்கூடது என்பதற்காக ‘புதுமைப் பெண்’ திட்டத்தைக் கொண்டு வந்தாா். இதுவரை இத்திட்டத்தின் கீழ் சுமாா் 7 லட்சம் மாணவிகள் பயன் பெற்றுள்ளனா். அதேபோல் மாணவிகள் படித்து முடித்தவுடன் வேலைவாய்ப்பினைப் பெறவும் தொழில் முனைவோறாக திகழவும் ‘நான் முதல்வன்‘ என்ற முத்தான திட்டம் உள்ளது.

இதன் மூலம் மாணாக்கா்கள் படிக்கும்போது திறன்களை வளா்த்திட பல்வேறு திறன் மேம்பாட்டுப் பயிற்சி வழங்கப்பட்டு வருகிறது.

ஆண்டுக்கு 10 லட்சம் மாணவா்களுக்கு திறன் மேம்பாட்டுப் பயிற்சி வழங்கப்பட வேண்டும் என்ற நோக்கோடு தொடங்கப்பட்டது. ஆனால் மூன்று ஆண்டுகளில் 41 லட்சம் பேருக்கு பயிற்சி வழங்கப்பட்டுள்ளது என்றாா்.

ஆற்காடு எம்எல்ஏ ஜெ.எல். ஈஸ்வரப்பன், மாவட்ட வருவாய் அலுவலா் செ.தனலிங்கம், வாலாஜா நகா்மன்றத் தலைவா் ஹரிணி தில்லை, கல்லூரிக் கல்வி இணை இயக்குநா் மலா், கல்லூரி முதல்வா் நசீம் ஜான், துணை முதல்வா் பூங்குழலி மற்றும் பேராசிரியா்கள், மாணவிகள் கலந்து கொண்டனா்.