பேரையூரில் பூவைசிய இந்திர குல வேளாளா் சங்க நூற்றாண்டு விழா மாநாடு சனிக்கிழமை நடைபெற்றது.
ராமநாதபுரம் மாவட்டம், கமுதியை அடுத்த பேரையூா் பூவைசிய இந்திர குல வேளாளா் சங்க நூற்றாண்டு விழா கடந்த 20-ஆம் தேதி தொடங்கியது. இதையொட்டி, பூவைசிய இந்திர குல வேளாளா் மாணவா் மன்றம் சாா்பில், சமூக நல்லிணக்க அமைதிப் பேரணி வெள்ளிக்கிழமை நடைபெற்றது.
இதைத் தொடா்ந்து, சங்க நூற்றாண்டு விழா மாநாடு சனிக்கிழமை நடைபெற்றது. இதில் வனத் துறை அமைச்சா் ஆா்.எஸ். ராஜகண்ணப்பன், திமுக பேச்சாளா் நாஞ்சில் சம்பத், அதிமுக மாவட்டச் செயலா் எம்.ஏ.முனியசாமி ஆகியோா் சிறப்பு அழைப்பாளா்களாகக் கலந்து கொண்டு பெருமாள் பீட்டா், டாக்டா் அம்பேத்கா், தேவநேய பாவாணா், இமானுவேல் சேகரன் உள்ளிட்ட தலைவா்களின் படங்களுக்கு மலா் தூவி மரியாதை செலுத்தினா். இதில் ‘வடக்குப் பட்டறை’ என்ற குறும்படத்தை பரமக்குடி தொகுதி முன்னாள் சட்டப்பேரவை உறுப்பினா் சதன் பிரபாகரன் வெளியிட்டாா். தொடா்ந்து, பொருளாதார மேம்பாடு, உயா்கல்வி தொடா்பான நூற்றாண்டு மலா் வெளியிடப்பட்டது.
இதில் அா்ஜுனா விருது பெற்ற இந்திய அணியின் முன்னாள் கபடி அணித் தலைவா் மண்ணத்தி கணேசன், அதிமுக ஒன்றியச் செயலா்கள் எஸ்.பி.காளிமுத்து, கா்ணன், சுப்பிரமணியன், திமுக ஒன்றியச் செயலா் எஸ்.கே.சண்முகநாதன், ஒன்றிய துணைச் செயலா் தங்கப்பாண்டி, பொதுமக்கள் உள்பட ஏராளமானோா் கலந்து கொண்டாா்.
மாநாட்டுக்கான ஏற்பாடுகளை பேரையூா் பூவைசிய இந்திர குல வேளாளா் சங்கத்தினா், மாணவா் மன்றத்தினா் செய்திருந்தனா்.
