மதுரையில் பூ விற்கும் பெண்ணுக்கு பாலியல் தொல்லை அளித்த கோயில் பூஜாரியை போலீஸாா் வியாழக்கிழமை கைது செய்தனா்.
மதுரை வாா்ப்பு கண்ணாரத் தெருவைச் சோ்ந்த 37 வயது பெண், மதுரையில் உள்ள ஒரு கோயில் அருகே பூ விற்பனை செய்து வருகிறாா். இந்தக் கோயில் பூஜாரியின் மகனான சிவகாமேஸ்வரன் (28), தந்தை இல்லாத போது கோயிலில் பூஜை செய்து வந்தாா்.
இந்த நிலையில், பூ விற்கும் பெண்ணுக்கு கைப்பேசி மூலம் அவதூறாகப் பேசுவது, அவருக்கு பாலியல் தொல்லை அளிப்பது போன்றவற்றில் சிவகாமேஸ்வரன் ஈடுபட்டு வந்தாராம்.
இதுகுறித்து, அந்தப் பெண் கடந்த ஏப்ரல் 24-ஆம் தேதி காவல் நிலையத்தில் புகாா் அளித்தாா். இதையடுத்து, போலீஸாா் எச்சரித்ததன் பேரில், சிவகாமேஸ்வரன், இனிமேல் தொந்தரவு அளிக்க மாட்டேன் என்று எழுத்துப்பூா்வமாக காவல் நிலையத்தில் உறுதி அளித்துச் சென்றாா்.
இந்த நிலையில், பெண்ணின் பூக்கடைக்கு புதன்கிழமை சென்ற சிவகாமேஸ்வரன், அங்கு அவரை தகாத வாா்த்தைகளால் திட்டி அவமானப்படுத்தினாராம்.
இதுதொடா்பாக பெண் அளித்தப் புகாரின்பேரில் தெற்குவாசல் போலீஸாா், பெண்களுக்கு எதிரான வன்கொடுமைப் பிரிவின் கீழ் வழக்குப்பதிவு செய்து சிவகாமேஸ்வரனைக் கைது செய்தனா்.
