பெண்ணை கத்தியால் குத்திய இளைஞா் கைது

பெண்ணை கத்தியால் குத்திய இளைஞரை விருதம்பட்டு போலீஸாா் கைது செய்தனா்.

காட்பாடி விருதம்பட்டு பகுதியைச் சோ்ந்தவா் ஜெயபிரகாஷ் (29), தனியாா் நிதி நிறுவன ஊழியா். இவருக்கும், அதேபகுதியில் கணவரை பிரிந்து வாழும் 33 வயது பெண்ணுக்கும் இடையே பழக்கம் ஏற்பட்டது.

இந்த நிலையில், கடந்த சில நாள்களாக ஜெயப்பிரகாஷ் உடன் பழகுவதை அந்த பெண் தவிா்த்து வந்ததாகத் தெரிகிறது. இதனால், ஆத்திரமடைந்த ஜெயப்பிரகாஷ், அந்த பெண்ணின் வீட்டுக்குச் சென்று வாக்குவாதம் செய்துள்ளாா். அப்போது, ஆத்திரத்தில் ஜெயப்பிரகாஷ் தன்னிடம் இருந்த கத்தியால் அந்த பெண்ணை குத்திவிட்டு தப்பிச் சென்றவிட்டாராம். உறவினா்கள் பெண்ணை மீட்டு, வேலூரில் உள்ள தனியாா் மருத்துவமனையில் சோ்த்தனா்.

இது குறித்த புகாரின்பேரில், விருதம்பட்டு போலீஸாா் வழக்குப் பதிவு செய்து ஜெயப்பிரகாஷை கைது செய்தனா்.