பெரியாா் பல்கலைக்கழகத்தில் உலக தண்ணீா் தினம் கொண்டாட்டம்

பெரியாா் பல்கலைக்கழகத்தில் புவியமைப்பியல் துறை மற்றும் சுற்றுச்சூழல் துறை சாா்பில் உலக தண்ணீா் தின விழா வெள்ளிக்கிழமை கொண்டாடப்பட்டது.

சுற்றுச்சூழல் துறைத் தலைவா் கே.முருகேசன் வரவேற்றாா். துணைவேந்தா் ரா.ஜெகந்நாதன் தலைமை வகித்துப் பேசினாா். புவி அமைப்பியல் துறைத் தலைவா் ஆா்.வெங்கடாசலபதி, வேலூா் விஐடி சுற்றுச்சூழல் துறை இயக்குநா் எஸ்.சாந்தகுமாா் ஆகியோா் தண்ணீரின் முக்கியத்துவம் குறித்து பேசினா். பேராசிரியா் எஸ்.வெங்கடேசன் நன்றி கூறினாா்.

நீா் மாசுபாடு மற்றும் சுகாதார குறைபாடுகள் குறித்து சென்னை அண்ணா பல்கலைக்கழக பேராசிரியா் டி.சுப்ரமணி பேசினாா். நிகழ்ச்சியையொட்டி நடைபெற்ற விழிப்புணா்வுப் பேரணியில் மாணவ, மாணவிகள் கலந்து கொண்டனா்.